هيفاء وهبي تطعن على قرار نقابة الموسيقيين: "غير مصرية.. ولا صفة لإصدار المنع"جريده الراصد24

 

بقلم/نشأت البسيوني 

في ناس بتفتكر ان كل حاجة بتعملها في حق غيرها هتعدي من غير حساب وان الكلام القاسي هيتنسي وان التجاهل مش بيوجع وان التغيير المفاجئ مش بيفرق لكن الحقيقة ان كل فعل مهما كان بسيطا بيسيب أثر جوا الإنسان ويمكن أنت ما تشوفش الأثر في لحظته لكنك في يوم هتكتشف إن الشخص اللي كان بيستحمل منك كتير بدأ يتغير وبدأ يبعد وبدأ يتعامل معاك بنفس المسافة اللي أنت فرضتها عليه

أنا مش مسؤول عن الطريقة اللي أنت اخترت تعاملني بيها لكني مسؤول عن الطريقة اللي هتعامل بيها مع نفسي بعد كده لو قربت مني هقابلك بقرب ولو احترمتني هتلاقيني أقدرك ولو حفظت وجودي هتلاقيني أحافظ عليك لكن لو اخترت التجاهل هتعلم أكون بعيد ولو اخترت القسوة مش هرد عليك بقسوة لكن هعرف إمتى أمشي ولو خليتني أحس إني مش مهم عندك مش هقعد طول عمري أحاول أثبت لك قيمتي

انت عليك الفعل وانا عليا رد الفعل مش معناها إني هنتقم منك أو هرد لك الوجع بوجع معناها إن تصرفاتك هي اللي هتحدد شكل وجودك في حياتي أنت اللي بتفتح الباب وأنت اللي ممكن تقفله وأنت اللي بتحدد المسافة بيننا من خلال أفعالك مش من خلال كلامك

أنا ممكن أسامح لكن مش لازم أرجع زي الأول وممكن أحبك لكن من بعيد وممكن أفتقدك لكن ما أسألش عنك وممكن أتمنى لك الخير من كل قلبي لكن أختار لنفسي راحة ما عرفتهاش وأنا جنبك

تعلمت إن الكلام مهما كان جميلا ما يقدرش يغطي على الأفعال وإن اللي بيحبك بجد مش محتاج كل يوم يقول لك إنه بيحبك لأن تصرفاته هتقولها عنه وإن اللي بيحترمك مش هيحطك في موقف يخليك تسأل نفسك كل مرة أنت مهم عنده ولا لأ

علشان كده ما تلومنيش على رد فعلي قبل ما تراجع فعلك وما تسألنيش ليه اتغيرت قبل ما تسأل نفسك إيه اللي خلاني أتغير لأن الإنسان مش بيتغير من فراغ لكنه بيتغير بعد مواقف كثيرة وبعد وجع متكرر وبعد محاولات طويلة للحفاظ على شيء كان يتمنى ألا يخسره

انت عليك الفعل وانا عليا رد الفعل ولو كان فعلك طيبا هتلاقي مني أجمل ما عندي ولو كان فعلك مؤلما هختار الابتعاد بهدوء لأن كرامتي وراحتي مش ثمن لعلاقة مهما كانت غالية

كل إنسان يزرع ما يفعله في قلوب الآخرين ثم يستقبل منهم ما صنعه بنفسه فاختر فعلك جيدا لأن رد الفعل أحيانا لا يكون كلمة ولا عتابا ولا غضبا بل يكون صمتا طويلا وبابا أغلق بهدوء ولا يفتح مرة أخرى