هيفاء وهبي تطعن على قرار نقابة الموسيقيين: "غير مصرية.. ولا صفة لإصدار المنع"جريده الراصد24

 

بقلم/نشأت البسيوني 

أنا مشيت منك وأنا لسه بحبك ودي كانت أصعب حاجة حصلت لي في حياتي لأن الإنسان لما يبعد عن شخص بيكرهه بيكون عنده ألف سبب يخليه يمشي لكن لما يبعد عن شخص لسه ساكن في قلبه بيبقى كل خطوة ناحية البعد كأنها اقتلاع جزء منه من مكانه

أنا ما صحيتش في يوم وقررت إني ما عادش أحبك ولا فجأة اكتشفت إنك ما تعنيليش حاجة بالعكس أنا فضلت أحبك وأنا بتوجع وفضلت أدور على سبب يخليني أكمل وكنت كل مرة أقول يمكن بكرة يكون أحسن ويمكن الكلام يرجع زي الأول ويمكن القلوب تهدى ونقدر نعيش من غير كل الخوف والشك والعتاب لكن بكرة كان بييجي ومعاه وجع جديد لحد ما فهمت إننا بقينا بنحب بعض بطريقة بتتعبنا أكتر ما بتسعدنا

أنا مش بلومك وحدك ومش بقول إن كل اللي حصل كان بسببك يمكن أنا كمان غلطت ويمكن أنت كمان كنت بتحاولي بطريقتك لكن النتيجة كانت واحدة قلبين بيحبوا بعض وكل واحد فيهم بقى موجوع بسبب الحب نفسه

وأنا لما قررت أبعد ما كانش عندي انتصار أحس بيه ولا فرحة إني خلصت من العلاقة كان عندي خوف كبير من الأيام اللي جاية كنت عارف إني هفتقدك وهشتاق لصوتك وهفتكر تفاصيلك في أوقات ما لهاش علاقة بيك وكنت عارف إن في ليالي هتعدي عليا وأنا نفسي أكلمك لكني كنت عارف كمان إن الرجوع لنفس الدائرة مش هيجيب غير وجع جديد

يمكن أنت تفتكري إني نسيت أو إني بقيت قاسي أو إن وجودك ما عادش يفرق معايا لكن الحقيقة إن أنا كل يوم بحاول أقنع نفسي إن البعد هو الصح وإن الحب مش معناه إننا نفضل متعلقين بحاجة بتكسرنا وإن الإنسان أحيانا لازم يختار النجاة حتى لو قلبه مش موافق

وأنا رغم كل اللي حصل ما أتمنى لكش غير الخير أتمنى تلاقي راحة ما عرفناش نلاقيها مع بعض وأتمنى تضحكي من قلبك وتعيشي أيام هادية وما يكونش في حياتك شخص يخليكي كل ليلة تسألي نفسك هو لسه بيحبني ولا لأ أتمنى تلاقي الأمان اللي كنت بدور عليه وأنا جنبك وما قدرتش أوصلك ليه

ولو في يوم افتكرتيني ما تفتكريش وجعي ولا نهايتنا افتكري إن كان في إنسان حبك بصدق وحاول على قد ما يقدر وإنه لما مشي ما حملش في قلبه كراهية ليكي مشي وهو بيتمنى لك الخير رغم إن قلبه كان نفسه يفضل

أنا يمكن ما أنساكيش بالشكل اللي كنت فاكره لكني هتعلم أعيش من غيرك وهتعلم إن الذكرى ممكن تفضل من غير ما نرجع وإن الاشتياق ممكن ييجي من غير ما نخبط على الباب وإن الحب ممكن يتحول من وجود في الحياة إلى دعاء في الغيب

ولو كان ليا أمنية أخيرة منك فهي إنك ما تندميش على الحكاية لأنني رغم وجعها عشت فيها أجمل لحظات عمري ولأنك كنت يوما الشخص الذي جعلني أصدق أن القلب يمكن أن يحب بهذا العمق

أنا بس اخترت في النهاية إنقاذ ما تبقى مني

هحبك من بعيد لو الحب فضل موجود وهتمنى لك السعادة حتى لو كانت بعيدة عني وهسيب الأيام تعمل اللي أنا مش قادر أعمله

يمكن الأيام تنجح في تعليمي كيف أنساك

لكنها لن تجعلني أتمنى لك يوما واحدا من الألم