تهنئه جريده الراصد24

 

بقلم جرجس أبادير 

 من اشهر الاغانى اللى انتشرت فى الستينات وحققت مبيعات كبيرة،  ليه مصطفى تحديدا  ؟

 الكاتب جليل البنداري خاض رحلة بحث فى الستينات عن سبب الاسم  وسر اختيار اسم مصطفى لتكون الاغنية بإسمه.

الأغنية اتغنت مرتين في السينما المصرية واحدة في فيلم الفانوس السحري لـ إسماعيل ياسين ومرة تانية في فيلم الحب كده بطولة صلاح ذو الفقار و صباح.

 ترجمت للغات كتيره مصنفة على أنها من أفضل 20 أغنية في إنجلترا وفرنسا لفترة من الوقت.

هناك رواية تقول ان مجلس قيادة الثورة منع هذه الاغنية من الاذاعة لان كلماتها قيل وقتها كان المقصود بيها الزعيم مصطفى النحاس وأن سبع سنين في العطارين كان المقصود بيها سبع سنوات عدت على إسقاط الملكية.

عمنا البندارى اللى وصل فى رحلة بحثه إلى أن مؤلف كلمات الأغنية هو عازف الجيتار الإيطالي ليوناردو كان يعمل فى مطعم اسمه سانت لوتشيا كان كل ما يشوف مصطفى داخل المطعم بما انه كان زبون دايم كان يحيه ويقول يا مصطفى يا مصطفي.. إلى أخره 

  مصطفى ده يبقى مين عشان يحبه بالشكل مصطفى كان موظف في إسكندرية استقال وجه القاهرة اشتغل فى شركة بيبسي كولا كان ساكن فى العطارين على بعد امتار من ليوناردو بناء عليه كان بيستنى كل يوم لما يخلص شغله فى المطعم ياخده يروحه معاه فى الحنطور يدندن له ليوناردو الأغنية لحد باب البيت بدل ما يدفع أجرة.

تقدر تقول ان الاغنية كانت تطبيل من نوع خاصبعد فترة اختفت اخبار ليوناردو و مصطفى بدأت الاغنية تاخد شهرتها لما محمد فوزي قرر أنه يلحنها ويطبعها على اسطوانات هنا بدأت الأزمة اللى وصلت للمحاكم و استمرت فيها فترة طويلة.

بدأت القصة عندما رفع المطرب محمد الكحلاوى قضية يتهم فيها محمد فوزي أنه اخد لحن الاغنية من اغنيتين للكحلاوي هما يا سلمي رجي  فضلك يا سايح المطر اللى قدمومهم فى الاربعينات.

المحكمة وفى اول قرار لها انتدبت الدكتور أحمد الحفني ليفصل ويقول هل فوزي واخد اللحن فعلا ام لا لا بعد ما سمع قال الحفنى ان اللحنين متطابقين من حيث التأليف الموسيقى ومشتركان فى جملتهما من حيث النص واللحن هنا افتكر الكحلاوى ان الشهادة دى انتصار ليه بتقول انه صاحب الحق الي ان قرا النص التانى من شهادة الحفني الذى قال فيها ان فوزى و الكحلاوى الاتنين واخدين اللحن من الاغانى الشعبية اللى لا يمكن نسبها لحد فيهم  طبعا التقرير عمل ازمة لانه مقدرش يثبت مين صاحب الحق فجأة دخل طرف تالت فى القضية سخنها اكتر هو المطرب محمد البحر بصفته الحارس القضائي على تركة سيد درويش طالب بتعويض 20 الف جنيه و وقف الاسطوانات اللى بيطبعها فوزي .

 ليه ياعم بحر؟

 قال البحر لان لحن يا مصطفى يا مصطفى أخد أصلا من الحان سيد درويش.

 بدأت المحكمة تدور على بوب عزام الذي غنى الاغنية يمكن يفصل فى الموضوع اكتشفوا انه سافر اوروبا و هناك سجل اغنية يا مصطفى يا مصطفي لشركة ايدى باركلى نسب لنفسه انه مؤلف وملحن الاغنية هنا الموضوع اتكلكع أصبح محير اكتر قدم الكحلاوى طلب للمحكمة بانها تتحفظ على الاسطوانات التى سجل عليها الاغنية والمواد اللى بتستعمل فى اعادة طبعها فوزي رفع قضية ضد بوب عزام وطلب منع بيع اسطوانات الاغنية اللى طبعتها شركة ايدى باركلي بحجة وان فوزي هو صاحب الحق الوحيد فى طبع الاسطوانات.

فضلت القضية فى المحكمة تروح وتيجي كل واحد يقول انا صاحب الحق لحد ما مات فوزي سنة 1966م هنا رفع الكحلاوى قضية على الورثة لياخد تعويض 150 الف جنيه لان الاغنية زى ما قال حققت لفوزي مكاسب كتيرة جدا جد المحكمة لم تفصل فى القضية مين صاحب اللحن الاصلى فضل الكحلاوى متمسك بحقه في القضية الي أن مات سنة 1982م محدش برضه قدر يفصل لحن الاغنية بتاع مين بالظبط.

 لكن مازال لحن اغنية يا مصطفي يامصطفي  مستمر الي الان بدون إثبات من هو صاحب اللحن الاصلي.