محافظ أسيوط: تكثيف الحملات على أسواق أبنوب ورفع الإشغالات والتصدي للمخالفات وضبط الأسعار-جريدة الراصد٢٤

 

بقلم/نشأت البسيوني 

في لحظه مالهاش مقدمات تلاقي النور اللي كنت ماشي عليه برد فجأه نور كان دايما سابقك بخطوه ومطمنك إن الطريق مهما لف هيوصلك لكن فجأه يخفت فجأه يسكت فجأه يتحول لرماد خفيف فوق كتافك وتحس إن الدنيا بقت غريبه عليك وإن الاحتمالات بقت كتير لدرجه ترعبك وتخليك مش عارف تحط رجلك فين وتقف ساكن وتحس إنك واقف في ممر طويل مفيهوش علامات لا صوت 

يطمنك ولا حد ينادي عليك ولا حتى أثر للي كنت متخيله سند وتبدأ تسأل نفسك بعمق ما سألتوش قبل كده هو ليه كل حاجه حلوه عمرها قصير وليه كل شيء بيبرد اول ما تتعلق بيه وليه الدفء اللي كنت مستند عليه يتحول لثقل بيشدك لتحت وتفتكر اللحظات اللي كنت فيها قوي بالرغم من كسرك وتفتكر الايام اللي قلت فيها لنفسك إن التعب طبيعي والخساره جزء من الرحله وإن 

الصبر مش صفة ثانويه دي مهاره بتتخلق من كل حاجه اتكسرت فيك وتفتكر اللي فات منك واللي حاولت تصلحه واللي ما عرفتش ترجعه واللي كان لازم يضيع عشان تتبني من الاول ولما تبص جواك بصدق تكتشف إن اللي برد مش الضوء اللي براك اللي برد هو النور اللي جواك نور اتطفى مع كل صدمه وكل خيانه وكل باب اتقفل بدون سبب وكل قلب اتحول فجأه لظهر وكل وعد ما اكتملش وكل 

حد فضلته وهو ما يستاهلش وكل حلم ضاع لأنك صدقت غلط شخص غلط طريق غلط احساس غلط وتبدأ تفهم إن الانسان بيتخلق من رماده وإن الوجع مش نهايه الوجع بدايه لإنسان تاني وإن النور الحقيقي مش اللي بيجي من الناس ولا من الفرص النور الحقيقي هو اللي يولد فيك بعد ما تتفحم بعد ما تتعري أمام حقيقتك بعد ما تقف قدام نفسك وتقول انا تعبت بس ما انتهتش

وساعتها ترفع راسك من تاني وتحس إن البرد اللي جواك بدأ يفك وإن ذكرياتك اللي كنت شايلها كحمل بدأت تتحول لدروس وإن خطوتك اللي كنت خايف منها بقت أخف وإنك فهمت إن اللي فقدته ما كانش نورك وإن اللي اختفى ما كانش دفاك وإن اللي وجعك كان بيصنع فيك حاجه أكبر من كل خساره وتلاقي نفسك بترجع تمشي تمشي من غير ما تستنى حد يمسك ايدك ومن غير ما تتعلق بظهر 

وعد ومن غير ما تبص للبرد اللي كان في صدرك لأنك بقيت فاهم إن الضوء اللي يبرد يبرد من بره بس مش من جوا وروحك مهما اتقهرت تقدر تولد نور جديد يكفيك ويكفي الطريق اللي مستنيك