عاجل... امن قوص يكثف تحرياته لكشف ملابسات العثور علي جثه شاب بطلق ناري في جبل حجازه بحري التابعه لمركز قوص -جريدة الراصد٢٤

 

بقلم/نشأت البسيوني 

في زاوية بعيدة من العمر في مكان لم نسكنه يوما ولم ندخله ولا حد في الدنيا يعرفه غيرا بييجي وقت ونكتشف إن جوانا مساحة غريبة مليانة أصوات ما اتقالتش وذكريات ما عشناهش ومشاهد كان المفروض تحصل بس اتلغت قبل ما تبدأ وكأن الحياه كانت بتكتب لنا سيناريو ناقص وترمي الباقي في درج مقفول محدش يعرف يفتحه غير اللحظات اللي بنكون فيها أضعف من إننا نهرب 

وأقوى من إننا نكمل الهروب هناك في المساحة دي بتحصل أعمق حكاياتنا من غير شهود من غير ناس من غير تصفيق ولا خذلان هناك بس بنقابل نفسنا الحقيقية النسخة اللي اتجرحت واتصلحت ووقعت وقامت وفوق كل ده لسه بتدور على حاجه مش عارفه اسمها ايه بالظبط يمكن تكون راحه يمكن تكون معنى يمكن تكون فرصة يمكن تكون حضن مأخرش الطريق علينا يمكن تكون نفس 

نتزفره بعد عمر اتكتم في المكان اللي ما عشناهش ده بنسمع صوتنا واحنا ساكتين بنشوف صبرنا واحنا منهارين وبنلمس أوجاعنا من غير ما حد يشوف ضعفنا بنقرب من نفسنا بشكل يخوف ويطمن في نفس الوقت نخاف لأننا شايفين الحقيقة من غير رتوش ونطمن لأننا أخيرا قابلنا النسخة اللي كانت مستخبيه وبتتنفس بصعوبة تحت كل الضغوط اللي فاتت هناك بتفهم ليه روحت لأماكن ما 

كانش لازم تروحها وليه قعدت مع ناس ماكانوش يستاهلوك وليه ضحيت بحاجة غالية علشان حد رخيص وليه كنت بتكابر على وجعك وبتتظاهر إنك تمام وانت كان جواك حرب كاملة محدش شافها وبتفهم كمان إنك ما خسرتش زي ما كنت فاكر لأ بالعكس انت اتخلصت من كل حاجه كانت بتوقف روحك من إنها تعيش اللحظة اللي جاية وإنه مهما كان اللي فات تقيل فالجاي دايما 

محتاج روح خفيفة روح ما تشيلش فوق طاقتها وما تفضلش تستنى من حد ولو حتى كلمة تطمنها المكان اللي ما عشناهش ده هو مسرح كل اللي اتمنيناه وباب كل اللي اتأخر علينا ومرآة كل حاجة كنا شايلينها جوانا من غير ما نبوح بيها هناك بتعرف إنك مش محتاج إذن من حد علشان تقوم من تاني مش محتاج موافقة من الدنيا علشان تعيش مش محتاج تبرر انهيارك ولا توضح سر

صمودك ولا تحكي على اللي ربنا شالك منه قبل ما يوقعك هناك بتدرك إن اللي راح كان لازم يروح وإن اللي بقى هو أصل الحكاية وإنك لسه قادر تتنفس لسه قادر تحلم لسه قادر تبني حاجة تكون ليك مش لحد تاني وإنك لسه تقدر تطلع من بين الركام وفي إيدك ضوء حتى لو أصغر من إن يبان ولو قربت أكتر هتسمع همس صغير بيقولك إنك مهما ضليت الطريق فالنهاية اللي مكتوبة ليك هتلاقيك 

وإن التعب اللي مش راضي يسيبك هيمشي يوم ما تفهم إنك مش ضعيف انت بس اتأذيت زيادة عن اللزوم وإن اللي جواك مش خراب ده ترميم وترميم الروح عمره ما كان خسارة ده المكان اللي ما عشناهش لكن اتغيرنا بسببه المكان اللي ما عرفناهوش لكن عرفنا نفسنا فيه المكان اللي هيفضل لحد آخر العمر شاهد على إنك اتكسرت ووقفت وكمّلت من غير ما حد يفهم ازاي