مطاي تحتفي بأبناء المعلمين.. حفل تكريم يجسد الوفاء للمعلم وتكاتف مؤسسات المجتمع لدعم التعليم _الراصد 24

  

بقلم/نشأت البسيوني 

في لحظه ما بتكونش محسوب حسابها تلاقي الدنيا بتاخدك من إيدك وترجعك لنفسك بالعافية وكأن القدر قرر يعاقبك إنك تشوف حقيقتك اللي كنت هارب منها طول العمر تعيش مع وشك اللي كنت تهرب منه في المرايه وتشوف عينيك اللي حفظت البكاء بس نسيت الفرح وتشوف كل الطرق اللي مشيتها وإنت فاكر إنك صح وكل ليلة نمت فيها وإنت مقتنع إنك قوي وكل صبح صحيت فيه وإنت 

أصلك مهزوم بس عامل نفسك ثابت وترجع فجأة للي كنت مستخبي منه تشوف ضعفاتك اللي كنت بتحط عليها وشوش كتير علشان ما تبانش وتشوف الفراغ اللي جواك اللي حاولت تمليه بناس وأماكن وكلام كتير وفي الآخر فضلت جواك هتلاقي نفسك بتسأل سؤال غريب هو أنا كنت بعيش لمين وليه وإزاي ضيعت السنين دي كلها وأنا بدوّر على راحه بره في حين إن قلبي كان محتاجني أنا

وتكتشف إنك إديت كتير لناس مكانوش قد العطاء وإنك افتكرت إن الصبر بطولة وإن التضحية محبة وإن التسامح قوة وإكتشفت متأخر إن فيه ناس بتاخد ده كله وتحسبه ضعف وإن فيه قلوب ما ينفعش تسكنها لأنها أرض خراب مهما زرعت فيها ما بتطرحش غير وجع وترجع لنفسك من تاني وتلاقيها مرهقه منك من كتر ما أهملتها من كتر ما سبتها للظروف والخيبات والانتظار كان نفسك 

حد يفهمك كان نفسك حد يطبطب عليك بس إنت نسيت تطبطب على نفسك نسيت إنك أول حد محتاجك وإن أقرب حضن ليك هو صدرك وإن أصدق سند ليك هو وقفتك مش وعود حد وتبدأ تدرك إن الحياة ما بتديش حد من غير ما تاخد وإن كل حاجه فقدتها كانت بتنبهك إن في حاجه لازم تتغير جوه وإن كل صدمه كانت مش رساله من الدنيا قد ما كانت صفاره بتقولك فوق ارجع شوف 

انت ماشي فين وساعتها هتستوعب إن الرجوع لنفسك مش عقاب ولا نهايه الرجوع لنفسك بداية جديده لروحك صفحة بيضا للعمر اللي جاي ودرس طويل معنى في كلمه إنك تستاهل حاجه أحسن وتستاهل قلب مرتاح وتستاهل صحبة صدق وتستاهل حياه ما تكونش فيها متسول حب ولا مهمش وجع وتفهم إن اللي جاي منك وإليك وإن اللي هيكمل معاك هو اللي يعرف قيمتك وإن اللي 

هيمشي مش خساره وإن اللي باقي مش صدفه وإنك مهما اتحدفت في الزحمه عمرك ما هتضيع طول ما في جواك حاجه بتقولك قوم كمل متخافش ارجع لنفسك علشان تلاقيها مش علشان تهرب منها

وساعتها بس هتعرف إن القدر ما كانش بيعاقبك لما رجعك لنفسك القدر كان بينقذك