مطاي تحتفي بأبناء المعلمين.. حفل تكريم يجسد الوفاء للمعلم وتكاتف مؤسسات المجتمع لدعم التعليم _الراصد 24

بقلم/نشأت البسيوني 

في لحظه ما بين الليل والنهار بتحس إنك واقف في حته غريبه لا هي ضلمه كامله ولا هي نور كامل حته مافيهاش يقين ولا فيها راحه فيها بس شعور انك تايه جوه نفسك تايه جوه افكارك وتبدأ تسأل انت ليه بقيت بتحس ان كل حاجه تقيله وليه بقيت بتخاف من فرحه كبيره وليه بقيت دايما مستعد للخساره قبل المكسب ويمكن عشان اللي مر عليك خلاك تدفع ثمن الحاجات الحلوه قبل 

ما تحصل والثمن كان اكبر من قدرتك على الاحتمال وتلاقيك ماشي بجسمك لكن روحك واقفه مكانها بتدور على حاجه كانت زمان بتديك امان حاجه راحت من غير ما تلاحظ امتى راحت ولا ازاي ولا حتى ليه وتفضل كل يوم تصحى على نفس الاحساس مش لأنك ضعيف لكن لأنك اتأذيت اكتر مما بتعترف لنفسك واتكسرت في وقت محدش شافك فيه واتخليت عن حاجات كنت فاكرها 

ثابتة وطلعت اضعف من ورق وتعلمت دروس كتير بس كلها وجعتك اكتر ما نفعتك وتعبت من كتر ما حاولت تبقى بخير تبقى طبيعي تبقى صلب وانت من جواك مهزوز ومكمل بالعافيه وتبتدي تدرك إنك مش محتاج حد يفهمك انت محتاج بس حد يحس إن التعب مش لعبه وإن الصمت مش راحه وإن الهدوء ساعات بيبقى صريخ مكتوم وترجع تفكر في كل اللي ضاع منك اللي ضاع من 

وقتك ومن طاقتك ومن قلبك وتقول يمكن كنت أستاهل حاجه أفضل يمكن كنت أستحق معاملة أرحم يمكن العتمة اللي بلف فيها دي مش نهايتي يمكن هي بس مرحلة لازم أعدي منها علشان أشوف الطريق اللي بعدها ويمكن الظلام مش عشان يعاقبني يمكن عشان يهيأني لنور أكبر من اللي توقعته وتبتدي تلاحظ إن فيه حاجات كانت بتوجعك بقت عادي وإن حاجات كانت بت دماغك 

بقت متشافه بوضوح وإن ناس كانت واخده اكتر من حقها جواك بقت مكانها الطبيعي بره حدود قلبك وتعرف إنك لسه بخير رغم التعب لسه واقف رغم الخيبات لسه جوه روحك حاجه صغيره بتصرخ انها عايزه تعيش انها عايزه أمان وسلام ودفا ولحظه صدق وتعرف ان اللي اتكسر مش نهايه وان اللي راح مش خساره وان اللي اتغير جواك كان لازم يتغير عشان تبقى انت مش نسخه من 

حد مش امتداد لحد مش انعكاس لحد تبقى انت بوجعك بقوتك بحكمتك بسكاتك وتفضل ماشي في الطريق حتى لو العتمة تقيله لأنك متأكد إنها مؤقته وأن النور جاي مهما اتأخر ومهما تعبك الانتظار ومهما حسيت إنك مش قادر تكمل بس جواك دايما حاجه أصيله بتقولك كمل لأنك تستاهل أكتر من كل اللي فات