بالصور ... "معلمو المستقبل".. التدريب على الذكاء الاصطناعي يختتم فعالياته بـ "أبوقرقاص"جريده الراصد24

بقلم/نشأت البسيوني 

.

في لحظه معينه من العمر يبص الانسان حواليه ويكتشف ان الطريق اللي ماشي فيه اطول بكتير من اللي كان متخيله طريق مليان علامات متلخبطه واحلام اتعلقت على اطراف الريح ووعود اتقطعت من غير ما حد يسمع صوتها ويلاقي نفسه واقف قدام مرايته الحقيقيه للمره الاولى من سنين يشوف ملامحه من غير رتوش من غير مجاملات من غير ما يهرب من نفسه ويشوف التعب 

اللي خباه والوجع اللي كبسه والليالي اللي وقف فيها يكابر وهو من جواه بينهار ويبدأ يفهم ان الطريق ما كانش صعب علشان هو ضعيف الطريق كان صعب علشان هو اتخلق يمشي في اصعب الحتت اللي محدش يقدر يوصلها ويفهم ان كل مره وقع فيها كانت مش نهايه كانت نقطه رجوع لنفسه نقطه بيكتشف فيها انه اقوى من اللي اتوقع واقوى من اللي الناس شافوه واقوى حتى من اللي 

كان مصدقه عن نفسه والغريب ان الانسان في لحظه وعيه الحقيقيه يبدأ يسمع الحاجات اللي كانت ساكتة جواه يسمع خوفه القديم وهو بينادي عليه يسمع قلبه وهو بيعاتبه يسمع روحه وهي بتقوله انها استحملته اكتر من اللازم لكنه عمره ما فقدته وانه مهما تعب ومهما خد ضربات لسه جواه حاجه بتتحرك حاجه بتقوم من تحت الركام وتقول لسه بدري ولسه في حاجه مستنياك والاقوى 

من كل ده انك تكتشف ان اللي كنت فاكره آخر الطريق كان مجرد منحنى صغير وان اللي كنت شايفه نهايه كان باب مخبي فرصه اكبر وان كل حد مشي وساب كان دوره يخلص علشان حد تاني ييجي في وقته الصح وان كل خساره كانت بتشيل من طريقك حمل ما كانش ينفع يكمل معاك وان كل لحظه وجع كانت بتسقل فيك حاجه ما تتشراش وما تتاخدش من حد والحقيقه اللي الناس 

ما تعرفهاش ان اقوى لحظه في حياة الانسان مش يوم كسب فيها ولا يوم وقف فيها فوق ولا يوم اتصقف له اقوى لحظه في حياته هي اليوم اللي كان يقدر ينهار وما انهارش كان يقدر يستسلم وما استسلمش كان يقدر يسيب نفسه تقع وما سبهاش اليوم اللي وقف فيه قدام الدنيا كلها لوحده ومع ذلك فضل واقف والطريق البعيد ما يخوفش اللي اتوجع كتير الطريق يخوف اللي ما اتلسعش من الدنيا 

اللي ما شافش غدر اللي ما جربش يتمسك بنفسه وهو منهار اللي ما عرفش يعني ايه تقوم وجواك الف حته مكسوره الطريق البعيد دايما بيحب القلوب اللي اتشقلبت واتقوت واتربت على الصبر مش الفهلوه القلوب اللي اتعلمت تمشي حتى لو في ضلمه وتصدق حتى لو الناس كلها كذبت وتكمل حتى لو مفيش حاجه بتسندها غير ربنا

وفي آخر الكلام يفهم الانسان ان الطريق مش مهم يكون طويل 

المهم يمشي فيه بقلب صاحي وروح صلبه ونفس ما بتنهزمش وان كل خطوه بيمشيها دلوقتي هي اللي هتبني نسخته اللي جايه النسخه اللي هيقف بيها قدام الدنيا ويقول انا جيت من بعيد وواقف لحد اخر المشوار