مطاي تحتفي بأبناء المعلمين.. حفل تكريم يجسد الوفاء للمعلم وتكاتف مؤسسات المجتمع لدعم التعليم _الراصد 24

بقلم/نشأت البسيوني 

في ساعات الليل الأخيرة لما الدنيا تسكت والهوى يبرد والمدينة تنام وتفاصيل الشوارع تهدى فجأة تلاقي نفسك واقف قدام مرآة ما تعرفش ظهرت منين ولا بتعكس إيه غير ملامحك الحقيقية اللي بتختفي طول النهار تحت الضجيج وتحت الهموم وتحت الكلام اللي بنرميه على بعض من غير ما نحس بثقله الليلة بتسألك سؤال عمرك ما جاوبته إنت شايل إيه جواك ومستخبي ليه الليل عمره ما 

كان مجرد ظلمة الليل مخزن أسرار البشر الليل دفتر بيتسجل فيه كل اللي ما قدرناش نقوله في النهار كل خوف خبيناه كل حلم أجلناه كل خيبة جرحتنا كل علاقة وقعت من غير ما نعرف السبب كل كلمة كان لازم تتقال وما اتقالتش كل خطوة اتأجلت وكل وجع قلنا نعديه ونرجع له بعدين الليلة ما بتعديش على حد من غير ما تلمس جواه حتة كان فاكر إنها اختفت لكن الحقيقة إنها كانت 

واقفة مستنية فرصة واحدة بس تطلع للنور وفي اللحظة دي الإنسان ما يعرفش يستخبى من الحقيقة لأنه قدام الليل بيتعرى من كل حاجة بيتعرى من قوته المصطنعة من ضحكه اللي بيغطي الألم من كبرياءه اللي بيحصله تشققات صغيرة من يوم للتاني من عناده اللي ساعات بيكون أضعف من نقطة دمعة على خد ما كانش عايزها تنزل الإنسان قدام الليل طفل قاعد مع نفسه بيسألها ليه وبينده 

عليها إزاي ويدور على إجابة محدش هيقولها له غير قلبه الليل ما بيخوفش الليل بيعالج اللي يقدر يسمع صوته الليل مش مساحة عتمة الليل مساحة مواجهة ومواجهة النفس أصعب من مواجهة الدنيا كلها لأن النفس بتعرف تاريخك كله وبتعرف كل حاجة حاولت تخبيها وبتعرف أنت كنت مين وبقيت مين وضايعت إيه وكسبت إيه وبالغت في إيه وفرطت في مين وسامحت مين أكتر من اللازم 

وزعلت من مين أكتر من اللي يستحق وفي وسط كل ده تلاقي لحظة هدوء غريبة كأن الليل بيحضنك ويقول لك ما تخافش أنا جاي أسمعك مش أحاسبك أنا جاي أفك عقدة أنت نسيت إنها موجودة أنا جاي أرجع لك شجاعة كنت فاكر إنها ضاعت بين تفاصيل سنين مرت عليك بسرعة مخيفة وخلتك ما تلحقش تلم نفسك الليل بيعرف يلمك الليل بيلم الروح زي ما الموج يلم الشط 

بعد عاصفة الليل بيهدي القلب ويفتح باب لذكريات كنا فاكرين إنها ماتت لكن الحقيقة إنها ساكنة جوانا وبتتنفس وبتكبر ومع كل نفس بيفكرنا إن الإنسان مش حجر الإنسان حكاية وكل حكاية فيها وجع وفيها نور وفيها صراع وفيها انتصار مجهول هيوصل له يوم وفي الآخر الليل ما بيسألش عشان يعذب الليل بيسأل عشان يفوق عشان يقول لك إن الحمل اللي شايله ممكن يتخف لو بس اعترفت 

بيه لو سميته باسمه لو بطلت تحط عليه أقنعة وتعمل نفسك بخير وأنت من جوه بتنهار الليل مش عدو الليل صديق بس صديق صريح لازم تواجهه حتى لو قلبك بيرتعش من الحقيقة اللي مستخبيها وفي نهاية كل ليلة الإنسان بيطلع أقوى لأنه واجه حاجات ما حدش غيره يعرف إنه واجهها وبيتصالح مع جزء منه كان هربان منه من سنين وبيبدأ يفهم إن الحياة مش سباق الحياة 

رحلة ومفيش حد بيوصل وهو سايب روحه وراه الليل مش ظلمة الليل مرآة واللي يقف قدام مرآته بصدق لازم يتغير غصب عنه أو برضاه لأن الحقيقة لما تتكشف القلب ما ينفعش يرجع يبقى زي ما كان