في جو يسوده المحبه والاحترام هيئة التمريض بمستشفى الأورام جامعة أسيوط يهنئون الاستاذ صبرى عزيز حكيم كبير فنى تمريض بالعيادات الخارجيه لبلوغة سن المعاش جريدة الراصد 24

بقلم/نشأت البسيوني 

في لحظه ساكنه ما بين النفس والنفس تكتشف إن جواك عالم محدش يعرف عنه حاجه عالم مليان أصوات مخنوقه ووجع مدفون وذكريات كنت فاكر إنها راحت لكنها لسه واقفه على باب قلبك بتفتكرها كل ما تيجي تهدى وكل ما تقول خلاص ببدأ من جديد تلاقي مشاهد قديمه بتطلع فجأه كأنها بتمتحن صبرك وتشوف أنت اتغيرت ولا لسه بتوجع من نفس الحته وتلاقي نفسك 

بتسأل سؤال عمرك ما قلته بصوت عالي ليه كل حاجه بتوجع أكتر لما نكون لوحدنا ليه بنقدر نخبي الألم عن الناس بس ما نقدرش نخبيه عن نفسنا وليه كل لحظه وجع كانت بسيطه في وقتها بتحول في الذكرى لحمل تقيل بيجرك من أهداب روحك وتبدأ تفهم إن اللي كسرك مش قوة العالم اللي كسرك إنك كنت بتمسك الحبال لوحدك بينما اللي حواليك سايبينها تقع منك وإنك كنت بتدي من 

روحك للناس اللي كانت بتاخد ومتبصش وراك وإنك كنت بتسامح غلط وبتبرر أكتر وبتتحمل فوق طاقتك لحد ما بقيت تتألم بصمت كأنك خايف تزعل حد من صوت وجعك وتكتشف إن الصمت اللي جواك مش هروب ولا ضعف ده صمت حد تعب من الشرح ومن التوضيح ومن إنه يبرر ليه قلبه اتغير وليه مابقاش زي الأول الصمت اللي جواك صمت إنسان فهم أخيرا إن مش كل اللي نحبه 

يستاهل وجودنا وإن مش كل اللي نتمسك بيه لازم نستمر معاه وإن في ناس وجودهم خساره رغم إننا كنا شايفينه مكسب وتفهم إن الأيام مش بتوجع علشان تكسرنا الأيام بتوجع علشان تهذبنا وتنضجنا وتشيل من طريقنا اللي مش شبهنا وتبعدنا عن الأماكن اللي بتستنزف روحنا وتدلنا على نفسنا من جديد بعد ما ضاعت في زحمة الناس والصراعات والخذلان وتعرف أكتر إنك ما كنتش 

ضعيف في يوم من الأيام لكنك كنت إنسان صادق أكتر من اللازم وده اللي وجعك كنت طيب أكتر من اللي يستحق وده اللي خلاك تتألم كنت بتقدم من قلبك بنيه صافيه والقلوب اللي قدامك ما كانش فيها غير الضباب لكن رغم كل ده ورغم إنك اتكسرت أكتر من مره ورغم إنك وقعت وما لقيتش حد يشيلك ورغم إنك وقفت وسط كل العتمه لوحدك إلا إنك مازلت واقف واقف لأنك اتعودت 

مهما وجعت تتماسك ومهما اتألمت تكمل ومهما انعدم الحنان من حواليك تلاقيه عند ربك وبعد كل اللي فات هتعرف إن صمتك كان سلاح وإن وحدتك كانت علاج وإن بعدك عن بعض الناس كان رحمة وإن كل باب اتقفل كان إنقاذ مش خساره وإن الطريق اللي ماشـي فيه دلوقتي يمكن يكون أصعب لكنه أصدق طريق يطلعك من نفسك اللي اتوجعت لنفسك اللي بقت أقوى وفي آخر الطريق 

هتبص لجواك وتلاقي إن الروح اللي سكتت سنين رجعت تتنفس وإنك رغم كل اللي حصل لسه واقف ولسه قادر ولسه فيك نور مهما العتمه حاولت تطفيه