مطاي تحتفي بأبناء المعلمين.. حفل تكريم يجسد الوفاء للمعلم وتكاتف مؤسسات المجتمع لدعم التعليم _الراصد 24

 

بقلم/نشأت البسيوني 

في لحظه ساكته بين الزحام بتحس إن روحك واقفه قدام مرايه الزمن بتسأل نفسها راحت فين البدايات اللي كانت صافيه زي المي وراح فين صوتك اللي كنت بتتكلم بيه وانت مطمن من غير ما تخاف من حكم الناس ولا من كلمه تجرحك ولا من ضهر يتقلب عليك فجأه وكأنك ما كنتش موجود في لحظه بتحس إنك محتاج تهرب من كل الأصوات اللي جوا دماغك أصوات بتفكرك باللي حصل 

واللي ما حصلش واللي كان ممكن يحصل لو كنت اخترت سكه تانيه يمكن أبسط يمكن أصعب يمكن كانت هتسيب في قلبك علامه أقل لكن مع الوقت بتكتشف إن روحك مش ضعيفه وإن الطريق اللي مشيته برجليك مهما كان موجوع علمك حاجات محدش يقدر ياخدها منك علمك تفرق بين اللي حبك بجد واللي كان عايزك وقت فراغه علمك إنك مش لازم تبرر وجودك ولا تمسح دموعك عشان 

حد يشوفك قوي والاغرب إنك في عز التعب بتلاقي جواك قوه غريبه بتفرد ضهرها وبتقول لسه فيا حاجه حلوه لسه فيا نبض لسه فيا ضحكه مستنيه سبب صغير عشان ترجع يمكن الناس تتغير يمكن الوعود تقع يمكن قلوب كتير تبرد فجأه لكن الروح عمرها ما بتتساقط زي الورق الروح بتتجدد الروح بترجع الروح بتعرف تطلع من تحت الركام وتقول أنا هنا ومهما طال الليل حوالينا في لحظه 

معينه هتلاقي نور بيخبط على بابك نور بسيط يمكن كلمه يمكن لقاء يمكن صدفه بس هو اللي هيعرف يفك خنقه جوه صدرك ويقول لك إنك ما خسرتش كل حاجه وإن اللي جاي مش لازم يشبه اللي راح ويمكن أجمل حاجه إنك بعد كل اللي شوفته بقى جواك هدوء غريب هدوء بيقولك إنك مش محتاج تقاوم الدنيا ولا تشرح لحد إنك اتظلمت ولا تبرر ليه اختفيت ولا ليه رجعت الهدوء ده 

بيقولك امشي واثق امشي ساكت امشي وانت عارف إن ربنا شايف وإن الحق دايما بيرجع ولو بعد حين ويمكن الروح مش محتاجه غير حضن صادق وكلمه طيبه وشمسه تتفتح في صدرها من وقت للتاني علشان تعرف تكمل وتفتكر إن لسه في الدنيا أماكن بتنور لما تمشي فيها وقلوب بتتهز لما تحكي لها وإنت آه إنت بالذات لسه جواك اللي يكفي يكملك لسه جواك اللي يخليك توقف تاني مهما 

اتكسرت لسه جواك نسخه أحسن منك مستنيه اللحظه اللي تقول فيها كفايه حزن وكفايه تعب أنا هبدأ من جديد الروح مش بتموت الروح بس بتستنى حد يفك عنها الغبار