جريدة الراصد تهنئ أولاد الأنصارى بمناسبة خطوبة نجلهم جريده الراصد24

 

بقلم/نشأت البسيوني 

حين يوقظك الصمت قبل الفجر وتلاقي نفسك واقف قدام حقيقه عمرك ما واجهتها وتبان لك ملامحك المختلفه اللي ضاعت منك في زحمه الايام وتحس ان الخطوات اللي مشيتها كانت تقيله مش علشان الطريق كان صعب لكن علشان القلب كان شايل فوق طاقته وتفهم ساعتها ان اللي جواك مش مجرد حزن عابر لكنه وجع متراكم بقاله سنين بيكبر مع كل خيبه وكل صدمه وكل كلام كان 

نفسك تقول ومقدرتش وكل دموع وقفت في عينك وخفت تنزل وتحس ان الليل بيكشفك اكتر مما بيغطيك وحين يوقظك الصمت قبل الفجر وتلاقي نفسك واقف بين حيره ما تعرفش هيا من تعب السنين ولا من خوف جواك مكتمه من زمان وتحس انك ماشي في طريق طويل محدش شايفه غيرك ولا حاسس بكل اللي بيجري جواك وتكتشف انك كنت بتحارب في معارك محدش عرف قيمتها 

غيرك وان الوجع اللي اتحملته عمره ما كان قليل ولا بسيط لكنك كنت دايما بتحاول تكمل مهما الدنيا رمت عليك من كسور ومهما الروح اتخبطت ومهما الحلم اتأخر وفي اللحظه دي تعرف قد ايه الانسان ممكن يعيش عمر كامل وهو بيدور على نفسه يدور على صوته اللي ضاع على ممرات الايام يدور على حلم وقع منه فجأه وملقاهوش تاني وتعرف انك ساعات بتتعلق بحاجات انت عارف 

انها مش ليك لكنك بتتمسك بيها يمكن علشان خايف من الفراغ خايف من الضلمه اللي بعد الفقد خايف من وحده محدش يعرف قسوتها غير اللي داقها وتقول لنفسك يمكن بكرة يتغير شيء يمكن الوجع يخف يمكن الحياه تبتسم مره من غير سبب والغريب انك كل ما تحاول توقف على رجليك تلاقي الدنيا بتديك درس جديد درس يعلمك ان الصبر مش دايما مكسب وان الطيب ساعات بيدفع تمن 

غالي وان الناس اللي اتعلقت بيهم ممكن يختفوا من غير ما يسيبولك تفسير يبقى بس في قلبك صوت بيسأل ليه وتضطر تسكت الصوت ده علشان تعرف تكمل وتمشي وتعيش يوم جديد من غير ما تنكسر وتتعلم ان مش كل اللي بيقرب لك بيحبك ومش كل اللي بيديك كلمه بيديك امان والساعات اللي قبل الفجر بتوريك حقيقتك من غير تزييف وتعلمك انك لازم توقف قدام نفسك 

وتشوف مين راح منك ومين لسه فيك وتشوف قد ايه انت محتاج تهدي من جوا وتاخد نفسك وتقول خلاص كفايه كفايه وجع كفايه انتظار كفايه محاولات مع ناس ماقدروش قيمتك وتعرف ان اللي يسيبك في عز تعبك عمره ما كان ليك واللي ما بيطبطبش عليك وانت موجوع ما يستحقش حتى يكون في حياتك وتلاقيك بتسأل نفسك هو ليه كل الطرق بقت متشابهه وليه مفيش ملامح واضحه 

تمسك نفسك عليها وتفهم ان يمكن المشكله مش في الطريق لكن في الحمل اللي شايله جواك الحمل اللي لازم ترمي منه شويه علشان تعرف تكمل وتعيش الحياه بشكل اخف واهدا وتبدأ تفهم ان الحياه مش سباق وان اللي راح مش نهايه وان اللي جاي يمكن يكون أحن وأصدق ولما يطلع الضوء الاول ويحصل اول نفس يدخل صدرك بعد صراع الليل تحس انك اتولدت من جديد تحس 

انك ماعدتش نفس الشخص وتعرف ان كل اللي فات علمك درس واحد ان اللي بيقف بعد ما يقع اقوى من اللي عمره ما وقع وان اللي بيكمل رغم الوجع عمره ما كان ضعيف بالعكس ده اقوى من ناس كتير معرفتش تتحمل ربع اللي شاله وتفهم انك مهما اتكسرت هتتصلح ومهما اتألمت هتتعافى ومهما قست عليك الدنيا هتتعلم توقف قدامها من غير ما ترتجف وفي الاخر هتفهم ان الدنيا مش 

لازم تبقى واضحه علشان تكملها وان الطرق اللي بتتعوج ساعات بتوصل وان الحلم اللي اتأخر ممكن يتحقق وان الحزن اللي خنقك هيجي يوم وتنساه وان الصمت اللي صحاك قبل الفجر كان رساله تقولك قوم ارجع لنفسك رجع قلبك مكانه رجع روحك تنبض تاني واعرف انك اكبر من كل اللي كسر فيك وانك تستحق تعيش من غير خوف ومن غير وجع ومن غير ما تحط راسك على المخده وتسأل 

ليه وتعرف انك ما كنتش ضعيف ولا قليل انت بس كنت بني آدم بيمر بحاجات اكبر من صبره وبيرجع يقوم من غير ما حد يشوف اللي حصله وتفهم بعد كل ده ان اللي بينضج قبل عمره بيتوجع اكتر لكن بيشوف أبعد وبيمشي أثبت وبيقف أقوى وتلاقيك في يوم من الأيام بتبص لنفسك وتقول أنا عدت أنا وقفت أنا كملت رغم كل اللي حاول يكسّرني ويوقعني وتعرف انك انت الوحيد اللي تقدر تقول لنفسك كمل انت تستحق وعمرك ما كنت أقل من إنك تعيش حياه ترتاح فيها مش تهرب منها