مطاي تحتفي بأبناء المعلمين.. حفل تكريم يجسد الوفاء للمعلم وتكاتف مؤسسات المجتمع لدعم التعليم _الراصد 24

  

بقلم/نشأت البسيوني 

في لحظة ما من عمر الإنسان بيقف ويسأل نفسه هو أنا ازاي وصلت لحد هنا من غير ما أحس ازاي الأيام جرت ورا بعض بالشكل ده وازاي الطريق اللي كنت فاكره بسيط اتعامل معايا كإنه جبال مش بتتزحزح الحقيقة إن الرحلة كانت أكبر من كل التوقعات لأن العمر ما بيتعاش بخط مستقيم العمر بيمشي بانحناءات وتعب وسقوط ونهضه ومواقف بتعمل جوا الروح شقوق صغيرة بنفتكرها 

نهايات لكنها بتطلع بداية لحتت جديدة فينا عمرنا ما كنا نعرف إنها موجودة احنا بنجري طول الوقت بنجري من وجع أو بنجري لأمل أو بنجري ورا حلم اتأخر أو بنجري من نفسنا ومشاعرنا اللي بنخاف نواجهها وكل جري ده بيخلينا نكبر من غير ما ناخد بالنا وبيدينا دروس ما بنفهمهاش غير بعد وقت طويل وقت يكون القلب هدأ والعقل فهم والروح صالحت اللي كان مكسور فيها وبدأت تمشي من 

تاني الغريب إن اللي بيكسرنا مش دايمًا الضربات الكبيرة ساعات كلمة بس بتكسر ألف باب جوانا وساعات شخص واحد بيمشي من غير ما يبص وراه يسيب فراغ مايتقفلش بسهولة وساعات موقف بسيط يفتح باب لأسئلة احنا مش جاهزين نواجهها وكل ده بيخلينا نفتكر إننا ضعاف لكن الحقيقة إن الإنسان أقوى بكتير من اللي بيظهره لنفسه بدليل إنه بيمر بكل ده وبرضه بيكمل مهما حصل في 

رحلة الحياة هتلاقي ناس تعدي عليك وتسيب أثر وناس تعدي كأنها هوا وناس كانت مفروض تفضل لكنها اختارت تمشي وناس ماكناش متوقعين وجودها لكنها اتزرعت في حياتنا زرعة طيبة ما بتتشلش وده كله جزء من الرحلة اللي بنفتكر إنها عشوائية لكنها مكتوبة بدقة أكبر من فهمنا ومع كل ده بنكتشف إننا مش محتاجين نخاف من بكرة زي ما كنا فاكرين لأن بكرة مهما جه مظلم هييجي بعده 

يوم أهدى ويوم أوضح ويوم أحسن وإن الطريق اللي بنتعثر فيه النهاردة هو نفس الطريق اللي هيكبرنا بكرة وهيفهمنا ليه ربنا خلى حاجات معينة تحصل بالطريقة دي وفي الوقت ده في نهاية كل تعب هنعرف إن قلوبنا مش ضعيفة زي ما افتكرنا وإن دماغنا اللي كانت بتتلخبط تحت الضغط كانت بتحاول تنقذنا من طرق غلط وإن الروح اللي كنا فاكرين إنها اتاهت كانت بترجع لنفسها واحدة 

واحدة وإن اللي اتكسر جوانا عمره ما بيضيع بالعكس بيتحول لطبقة تحمي اللي جواها أكتر وإحنا ماشيين هنفهم إن أكبر اختبار مش الطريق ولا التعب ولا الناس أكبر اختبار هو صبرنا على نفسنا وإيماننا إن اللي حصل لينا ما جاش صدفة وإن كل وجع كان بيجهزنا لمكان أوسع وقلب أصفى وخطوة أنضج وإن اللي كان بيوجعنا امبارح هو اللي بيقوينا النهاردة وفي آخر الطريق اللي كنا 

فاكرينه مظلم هنلاقي نور بسيط بس ثابت نور يقول إن الرحلة ما كانتش غلط وإن العمر ما ضاعش وإن اللي جاي يستاهل كل اللي فات وإن الإنسان مهما مر عليه وقت صعب يقدر يبدأ من جديد لأن البداية مش مكان البداية قرار جوه الروح إنها تقف من تاني حتى لو كل حاجة وقعت