مطاي تحتفي بأبناء المعلمين.. حفل تكريم يجسد الوفاء للمعلم وتكاتف مؤسسات المجتمع لدعم التعليم _الراصد 24

 

بقلم/نشأت البسيوني 

حين يزدحم القلب بأشياء ما قالهاش ويكون شايل جواه وجع ما لاقاش له حضن ولا صاحب ولا كتف ويتمنى يحكي بس الكلام يخونه ويتمنى يصرخ بس صوته ينكسر ويتمنى يبكي بس دموعه تنشف ويحس إن جواه بحر مالح بيغرقه كل ما حاول يطلع نفسه ويحس إن الدنيا ماشية أسرع منه وإنه واقف في نفس النقطة وإن مهما حاول يجري يتعب وإن مهما حاول يفهم يحتار وإن مهما 

حاول ينسى يتوجع أكتر ويحس إن ملامحه اتغيرت من كتر اللي كتمه وإن نظرته بقت مطفية وإن ضحكته بقت مجرد مجاملة وإن نومه بقى معركة مع أفكاره وإن قلبه بقى يخاف يتعلق عشان اتلسع كتير وروحه بقت تتردد قبل ما تدي قبل ما تثق قبل ما تحب عشان كل مرة دت فيها رجعت ناقصة ومع الأيام يتعلم الإنسان إنه مش مضطر يشرح لكل حد ولا يبرر لكل حد ولا يثبت نفسه لحد ويتعلم 

إن فيه ناس وجودهم وجع وغيابهم رحمة وإن فيه ناس قربهم يطفي الروح وبعدهم ينور القلب وإن الوجع ساعات بييجي من أقرب الناس مش من الغرباء وإن الخذلان الحقيقي مش في كلمة بتتقال لكن في كتف كان المفروض يتسند عليه وملقهوش ويبدأ يفهم إن الدنيا مش بتاخد من روحه إلا اللي مش مناسب لبقائه وإن كل خسارة كانت حماية وكل بعد كان ستر وكل انهيار كان بداية 

لقومته حتى لو مكانش فاهم ده وقتها ويبدأ يدور على نفسه في كل تفصيلة في الماضي اللي جرحه وفي الوجع اللي علمه وفي الخطوات اللي مشيها وهو مش شايف الطريق وفي اللحظات اللي كان محتاج فيها حد يفهمه وفي الكلمات اللي مخنوقة جواه وفي القرارات اللي افتكرها غلط وطلعت صح وفي ناس افتكرهم سند وطلعوا عبء وفي ناس افتكرهم عابرين وطلعوا أصدق مما تصور 

ويكتشف إنه مهما دار هيرجع لحقيقة واحدة إنه لازم يختار نفسه حتى لو مرة لازم يسمع صوته حتى لو محدش سمعه لازم يحمي روحه حتى لو اتقال عليه اتغير لازم يقفل أبواب بتوجعه حتى لو الناس زعلت لازم يمشي من طرق غلط حتى لو كل الناس ماشية فيها ويفهم إن مش لازم يكون قوي طول الوقت وإن الضعف مش عيب وإن الدموع مش سقوط وإن التعب مش فشل وإن اللحظة 

اللي ينهار فيها مش نهاية لكنها بداية صدق مع نفسه بداية مواجهة بلا أقنعة ويشوف إن الأمان الحقيقي مش دايما في الناس أحيانا الأمان في سجدة آخر الليل في كلمة بينه وبين ربنا محدش سامعها في راحة تهبط على قلبه فجأة في نور داخلي يتهز ويرجع يقف من جديد ويعرف إن الطريق قدامه طويل لكنه مش لوحده وإنه هيفضل يتوجع ويتعب ويقع ويقوم ويكسب ويخسر ويحزن 

ويفرح بس طول ما فيه نقطة نور جوه روحه يبقى لسه فيه أمل ولسه فيه بداية ولسه فيه حاجة تستاهل يكمل مهما كانت الأيام تقيلة ومهما كان القلب موجوع ولما ييجي يوم ويقف قدام نفسه بصدق يشوف إنه نجا من حاجات كانت هتكسره وناس كانت هتضيع قلبه ولحظات كانت هتطفي نوره يشوف إنه رغم كل حاجة لسه واقف ولسه شايل نفسه رغم التعب ولسه جواه نبض بيقول 

إنه أقوى مما افتكر وإن الجروح اللي عدت عليه ما لغتش جماله الداخلي وإن النور اللي جواه مهما خفت بيرجع ينور من تاني ويعرف إن النهاية اللي محتاجها مش نهاية سعيدة بقدر ما هي نهاية صادقة يبص فيها لنفسه ويقول انا نجيت أنا اتغيرت أنا كملت أنا وقفت أنا عديت وربنا كان مع

ايا وده وحده يكفي