مطاي تحتفي بأبناء المعلمين.. حفل تكريم يجسد الوفاء للمعلم وتكاتف مؤسسات المجتمع لدعم التعليم _الراصد 24

 

بقلم/نشأت البسيوني 

حين يبحث الإنسان عن نفسه وسط زحام الأيام ويمشي في طريق مش واضح بدايته من نهايته يكتشف كل يوم إن الرحلة اللي فاكر إنها برا هي في الأصل رحلة جواه رحلة بتخليه يواجه خوفه ويشوف الحقيقة اللي كان بيهرب منها ويقرب من روحه خطوة خطوة من غير ما يحس وفي اللحظة اللي يحس فيها إنه تعب من السؤال يلاقي إن السؤال نفسه هو اللي بيقوده مش الإجابة وإن 

اللي بيدور عليه مش مكان ولا شخص ولا لحظة مفقودة لكنه جزء من روحه كان ضايع منه من زمان وكل اللي فات من أيامه وكل اللي اتكتب له من حكايات وكل الوجع اللي عبر قلبه وكل الفرحة اللي خبطت عليه فجأة وكل خسارة وكل خيبة وكل غياب كانوا بيشكلوه وكانوا بيبنوا فيه النسخة اللي واقفة دلوقتي تقرأ نفسها وتفتش في تفاصيلها وتعرف إن القوة مش إنها ما تقعش القوة إنها 

تقف من تاني حتى لو قامت وهي مكسورة وحتى لو قامت وهي مش فاهمة الطريق رايح على فين وكل لحظة عدت عليه سواء كانت مليانة وجع أو مليانة أمل كانت بتكبره وبتفهمه وبتخليه يعرف إن الدنيا مش بتدي حد كامل وإن كل واحد شايل همه بطريقته وكل واحد بيسكت بطريقة وكل واحد بيداري ضعفه بشكل مختلف وإن الإنسان مهما بان ثابت جواه دوامة من الأسئلة 

والاحساسات اللي ساعات ما يقدرش يحكيها لحد لأنها مش محتاجة كلام هي محتاجة حضن من الزمن نفسه حضن ما يعرفش يعطيه غير الأيام اللي تعبت قلبه وعلمته إنه مش لازم يبقى مفهوم لكل الناس المهم يبقى مفهوم لروحه وكل ما يغوص جوا نفسه أكتر يعرف إن الحاجات اللي كان بيحارب علشانها مش دايما هي اللي تستاهل وإن الأشخاص اللي قالوا هيبقوا موجودين مش دايما 

بيكملوا وإن الأماكن اللي حبها زمان ممكن تبقى دلوقتي مجرد ذكرى وإن الحلم اللي فضل يجري وراه مدة طويلة ممكن يلاقي نفسه سابه وما بقاش شايفه زي الأول لأن الإنسان بيتغير وكل شيء حواليه بيتغير وده جزء طبيعي من الرحلة ومع كل ده يفضل جواه دايمًا ذلك الأمل الصغير اللي يعيش عليه الإنسان أمل بسيط لكنه قوي أمل إن بكرة يكون أخف وأهدى وإن الطريق مهما طال 

هيجي يوم وينوّر وإن الوجع مهما علم فيه هييجي يوم ويفهم معناه وإن الصبر عمره ما راح هدر وإن الخيبة اللي كسرته ساعتها علمته يقف على رجليه من تاني وإن اللحظة اللي فقد فيها كل شيء كانت بداية لحاجة جديدة حتى لو ما شافهاش وقتها

وفي النهاية يعرف الإنسان إن رحلته مع نفسه مش هتنتهي لأنها مش رحلة بحث عن نهاية لكنها رحلة بحث عن فهم رحلة بيكتشف 

فيها كل يوم جزء نسيه جزء خباه جزء خاف يقرب منه جزء ما كانش شايفه ومع كل كشف جديد يكبر قلبه ويزود حكمة جواه ويعرف إن الحياة مش محتاجة تفسير لأن الحياة بتتشرح لوحدها في التفاصيل الصغيرة في الصمت في الليل في فكرة تعدّي على باله في كلمة أثرت فيه في نظرة ناسيتها لكن قلبي افتكرها في نقطة دمعة في ضحكة خارجة من قلب موجوع وفي لحظة صدق 

مع نفسه وهو بيقول أنا لسه بشوف نفسي ولسه بدور ولسه بتغير

وفي النهاية يوصـل الإنسان لنفس الحقيقة اللي بنوصل لها كلنا إن كل واحد شايل وجعه بطريقته وكل واحد شايل حلمه بطريقته وكل واحد شايل خوفه بطريقته وكل واحد بيحاول يكمل مهما اتعب ومهما اتكسّر لأن الحياة مش هتقف والروح اللي جواه مش هتستسلم طول ما فيها نفس وطول ما فيها لحظة صغيرة تقدر 

تمسكه وتقول له لسه في بكرة ولسه في طريق ولسه في فرصة ولسه في نور مهما اتأخر ومهما اختفى ومهما تعب وهو يدور عليه