مطاي تحتفي بأبناء المعلمين.. حفل تكريم يجسد الوفاء للمعلم وتكاتف مؤسسات المجتمع لدعم التعليم _الراصد 24

 

بقلم/نشأت البسيوني 

حين تفضح الايام ما اخفاه القلب في محطات معينة من العمر بييجي علينا وقت نحس فيه ان الدنيا بقت اوضح من زمان كأن الضباب اللي كان مغطي عينينا سنين بدأ يتشال بهدوء وواحدة واحدة بنشوف الحقيقة من غير تجميل ولا تلوين بنشوف الناس على حقيقتها بعيد عن الطيبة اللي كنا بنغلف بيها المواقف وبعيد عن الاعذار اللي اختلقناها كتير عشان ما نخسرش حد بنحبه الحياة 

بتعلمنا ان مفيش حد بيبان على حقيقته في الكلام لكن بيبان في الفعل وان اكتر الاوجاع اللي بنفتكر انها نهايتنا بتكون هي باب لبداية جديدة انضف بكتير من كل اللي فات وبييجي يوم نعرف فيه ان مش كل الناس اللي قربت كانت جاية عشان خيرنا ولا كل الايادي اللي اتقدمت كانت عايزة تساعد وان الضربات اللي اتوجعنا منها ما كانتش قدر قد ما كانت كشف كشف لقلوب لبست وشوش 

مش ليها ولناس اتجملت بكلام مش من قلوبها ولابتسامات حافظت عليها قدامنا وهي من جواها بتتمنى سقوطنا مش نجاحنا ويمكن اصعب لحظة في العمر هي اللحظة اللي نكتشف فيها اننا كنا طيبين زيادة وصادقين زيادة وبنحب زيادة زيادة عن اللي اي حد يستحق ومع ذلك الوجع اللي اتساب جوانا ماكانش خسارة بالعكس كان درس علمنا ان السلام اغلى من اي علاقة وان راحتنا النفسية مش 

محتاجة ابطال حوالينا بتتغير نواياهم مع اول مصلحة تختفي وان الحياة مش محتاجة ناس تثبت وجودها بالكلام الحياة محتاجة ناس قلوبها ثابتة حتى لو الظروف كلها اتغيرت والحقيقة اننا لما بنبعد عن اللي ماقدروش قيمتنا بنتولد من جديد بنرجع نكتشف نفسنا وبنتأكد ان ربنا بيشيل من طريقنا كل اللي ماينفعناش مهما حاولنا نتمسك بيهم وفي طريق العمر بنتغير بس بنتغير للافضل 

بنبقى اهدى واعقل واوعى بكتير من قبل كده وبنحط حدود حدود تحمي القلب اللي اتوجع كتير وحدود تمنع اي حد يدخل حياتنا الا لو كان نضيف من جوه واضح من بره صادق في كل خطوة ومع الوقت بنفهم ان مفيش خسارة اسمها خسارة فيه حماية وفيه رحمة وفيه باب اتقفل عشان باب احسن يتفتح بنبص لورا ونقول الحمد لله الحمد لله على كشف ما كان مستتر وعلى الناس اللي 

مشيت وعلى العلاقات اللي وقعت وعلى كل لحظة وجع علمتنا ان اللي يستاهل يفضل واللي قلبه مش راكب على قلبنا مكانه بعيد بعيد قوي والحياة اللي كنا فاكرينها ضلمة بتنور لما بنمشي من غير حمل ومن غير خوف ومن غير انتظار لحد ما يستاهلناش