من البيمارستان إلى المورستان رحلة التسمية الشعبيةالبيمارستان المعجزة الطبية

  

بقلم/نشأت البسيوني 

في وقت ما بتكتشف إنك لسه بتحب لكنك ما بقيتش قادر تعيش على الانتظار زي زمان وإن اسمها لسه له مكان في قلبك لكنك بطلت تدور عليه في كل رسالة وكل اتصال وإنك لسه بتفتكر صوتها وتشتاق لكلامها لكنك بدأت تعرف إن الحياة لازم تكمل حتى لو الجزء اللي جواك كان نفسه يكمل معاها يمكن زمان كنت بتفتح هاتفك عشرات المرات مستني رسالة منها وكنت تعتبر اتصالها أجمل 

حاجة ممكن تحصل في يومك وكنت لو ما سمعتش صوتها تحس إن اليوم ناقص وإن الدنيا كلها ناقصة لكن الأيام علمتك إن القلب لما يتعب من الانتظار يبدأ يحمي نفسه بنفسه فبدأت اللهفة تهدى وبدأت المسافة تكبر من غير ما تكرهها ومن غير ما تقل قيمتها عندك أنت فقط بدأت تفهم إن الحب مش معناه إنك تفضل معلقا في شخص طول العمر وإن الاشتياق مش دليل إن الرجوع هو الحل 

وإن أحيانا أجمل ما تقدر تعمله لمن أحببت إنك تتمنى له الخير وتتركه يعيش حياته وأنت تحاول تعيش حياتك يمكن تكون لسه بتدعي لها في سرك وتتمنى لها العمر الطويل والسعادة وراحة البال ويمكن لو سمعت إنها بخير تفرح من قلبك حتى لو أنت مش السبب في فرحتها وده مش ضعف ولا انكسار دي بقايا حب نظيف ما اتحولش إلى كراهية رغم الوجع أنت فقط وصلت لمرحلة فهمت 

فيها إن وجودها في قلبك لا يعني إن وجودها لازم يفضل في حياتك وإن الذكرى ممكن تفضل جميلة حتى لو الحكاية انتهت وإنك تقدر تقول أنا أحببتها ولن أنكر ذلك لكنني لن أؤذي نفسي من أجل حب انتهى زمنه ولن أظل أطلب رسالة ممن لم يعد يرسل ولن أظل أنتظر اتصالا من شخص اختار الصمت ويمكن أصعب لحظة في التعافي إنك تكتشف إنك بدأت تتعود على غيابها وإنك تقدر 

تعدي يوم كامل من غير ما تستنى ظهور اسمها على الشاشة وفي نفس الوقت تلاقي نفسك حزين لأنك كنت تتمنى ألا تصل إلى هذه المرحلة أصلا لكن دي هي الحياة أحيانا بتجبرنا نتعلم الهدوء بعد ما عشنا فترة طويلة في اللهفة وتجبرنا نختار أنفسنا بعد ما قضينا وقتا طويلا نختار الآخرين وفي النهاية لا أنت كرهتها ولا أنت نسيتها أنت فقط تعلمت كيف تحمل محبتها بطريقة لا تؤلمك وكيف 

تتمنى لها السعادة وأنت تمشي في طريقك وكيف تقول لها في قلبك ربنا يسعدك ويطمن قلبك ويعطيك العمر الطويل وراحة البال وأنا كمان هحاول أتعلم أعيش وأتعافى وأبتسم من غير ما أستنى منك حاجة لأن الحب الحقيقي مش دايما إنك تمسك في اللي بتحبه أحيانا يكون إنك تتركه بسلام وتترك لنفسك فرصة تنجو من الوجع