حين يلتقي القانون بالهندسة وعي جديد يحمي المهندسين . جريده الراصد24

بقلم / محمد مختار 

الاثنين2026/10/5

وبالمناسبة دي وبمناسبة إن بكره ذكرى نصر 6 أكتوبر حابب أفكره 

​الجندي اللي قدامك ده اسمه سيد نور ظابط مفرقعات في سلاح المهندسين العسكريين بالجيش المصري وقصته البطولية اللي هحكيهالك دي حصلت في عملية عسكرية أثناء الحرب على الإرهاب في شمال سيناء سنة 2022أثناء إحدى المعارك واحدة من الدبابات المصرية من نوع M60 داست على لغم أرضي متكون من عبوات ناسفة ثقيلة على الطريق وطبعًا الموقف كان حرج وخطير جدًا لإن الدبابة محملة بدانات ومدفع وذخيرة حيّة قادرة تولع في المنطقة كلها ولو اتحركت متر واحد بس كانت العبوة هتنفجر وتنسف الدبابة بالطاقم اللي جواها وأي حد قريب منها ​أول رد فعل من قائد الدبابة لما حس باللغم كان إنه وقف مكانه فورًا وطلب من الطاقم ما يتحركوش ولا يخرجوا عشان ما يضغطوش على اللغم وبلغ القيادة باللي بيحصل وطبعًا في الظروف الطبيعية، وفي عرف أي جيش في العالم دبابة زي دي في منطقة اشتباك بتتساب مكانها ومحدش بيقرب منها بل ممكن الجيش نفسه يضربها من بعيد عشان تتدمر وما تقعش في إيد الأعداء لكن في العقيدة المصرية السلاح ما بيتسابش والجندي بيفضل إنه يستشهد ولا إنه يسيب سلاحه ​وهنا ييجي دور البطل سيد نور أول ما سيد عرف بالموقف نزل أرض المعركة في وسط الاشتباكات والضرب شغال ومن غير أي لبس واقي وبإيده المجردة نزل تحت جسم الدبابة في التراب وبدأ يتعامل مع العبوة وأثناء ما هو بيشتغل إخواته في السلاح عملوا حواليه ساتر من الدبابات والمدرعات عشان يحموه من الضرب وكل ده وهو مركز في هدف واحد بس تفكيك العبوة وانقاذ حياة زمايله ​أكثر من 4 ساعات كاملة قضاهم تحت الدبابة بيفك العبوة حتة حتة والموت أقرب إليه من الحياة لحد ما أمن العبوة تمامًا وشالها بإيده وأنقذ زمايله والدبابة اللي برغم ان سعرها ملايين إلا انها متساويش ثمن حياته لكنه مفكرش في كل ده وعمل اللي عمله وهو مش مستني تكريم ولا شو وبعدها بفترة اتصاب في عمليات شمال سينا إصابة تعجيزية أفقدته أجزاء من جسمه ​ده ظابط واحد بس عندنا في الجيش المصري يا سموتريتش وفي غيره وزيه ملايين انت متعرفش عنهم حاجة بس جدودك يعرفوهم كويس جدًا وشافوهم على أرض الواقع وجهًا لوجه، والزمن مش بعيد من 50 سنة بس فبلاش تنسى وخليك فاكر المشهد ده كويس لأن الأرض دي محدش بيدخلها أو يفكر يمسها إلا وبيتدفن فيها والتاريخ عليها شاهد

​تحية إجلال وتعظيم لشهدائنا وأبطالنا اللي رووا الأرض دي بدماءهم وعاشت مصر حرة أبية بجيشها وشعبها دايمًا