حين يلتقي القانون بالهندسة وعي جديد يحمي المهندسين . جريده الراصد24

 

بقلم/نشأت البسيوني 

في لحظة ما من العمر بنوصل لنقطة غريبة جدا نقطة ما بقاش فيها الوجع زي الأول ولا الانتظار له نفس الطعم ولا الغياب قادر يهزنا بنفس القوة اللي كان بيهزنا زمان ويمكن اللحظة دي ما بنوصلهاش بسهولة لأنها بتيجي بعد ليالي طويلة من التفكير وبعد أسئلة كتير ملهاش إجابة وبعد مرات لا تحصى فتحنا فيها الهاتف منتظرين رسالة وكنا بنقنع نفسنا إن التأخير له سبب وإن البعد مؤقت وإن 

بكرة ممكن يحمل لنا حاجة مختلفة لكن بكرة كان بييجي ويمشي وإحنا واقفين في نفس المكان لحد ما القلب في يوم تعب من الانتظار وقال كفاية مش لأن الحب مات ولا لأن الشخص بقى غريب لكن لأن الإنسان لما يفضل طول الوقت مستني حاجة مش في إيده بيبدأ يخسر جزء من نفسه من غير ما يحس وهنا يبدأ التعافي الحقيقي لما تبطل تسأل هو ليه ما اتصلش وتبدأ تسأل 

نفسك أنا ليه لسه مستني ولما تبطل تراقب وجود شخص في حياتك وتبدأ تراقب حالك أنت وهل بقيت مرتاح ولا لأ وهل رجوعه فعلا هيغير حياتك للأفضل ولا هيعيد نفس الدائرة من البداية ويمكن أصعب اعتراف هو إنك تعرف إنك ما زلت بتحب لكنك لم تعد قادرا على الاستمرار بنفس الطريقة لأن الحب لوحده مش كفاية عشان العلاقة تعيش محتاجة أمان واهتمام وصدق ووجود 

حقيقي مش مجرد لحظات حلوة تتبعها أيام طويلة من الحيرة وأحيانا بنكتشف إننا ما كناش محتاجين الشخص نفسه قد ما كنا محتاجين الإحساس اللي كان بيخلينا نحسه وإن أجمل شيء ممكن يحصل للقلب إنه يرجع لنفسه بعد ما كان عايش بالكامل في انتظار شخص آخر ساعتها تبتدي تستعيد حاجات صغيرة كنت فاكر إنك فقدتها تضحك من غير سبب وتنام من غير ما تستنى رسالة 

وتصحي من غير ما يكون أول سؤال في دماغك هل اتصل ولا لأ وتبدأ تشوف الدنيا بألوان كانت مختفية ورا التعلق وتفهم إنك مش لازم تكره عشان تبعد ومش لازم تنسى عشان تكمل ومش لازم تمسح كل الذكريات عشان تعيش بالعكس ممكن تحتفظ بكل شيء جميل حصل وتترك ما يؤلمك في مكانه من غير ما ترجعه إلى حياتك وتقول لنفسك أنا أحببت بصدق وكنت مخلصا وما قصرت 

في مشاعري لكني تعلمت إن نفسي لها حق علي وإن راحة بالي مش شيء أتنازل عنه عشان أي إنسان وفي النهاية يمكن أجمل ما في التعافي إنك توصل لمرحلة تتمنى فيها الخير لمن أحببت من غير ما تتمنى رجوعه وتدعي له بالسعادة وأنت قادر تكمل طريقك وتقول ربنا يكتب له أيام جميلة وأنا كمان من حقي يكون لي نصيب من الراحة ومن حقي أعيش من غير خوف ومن غير انتظار ومن غير قلب معلق برسالة يمكن تأتي ويمكن لا وتعرف وقتها إنك لم تخسر الحب بل أنقذت ما تبقى منك بعد الحب