مستريحون المخلل» في سندبيس.. 9 ملايين جنيه في مهب الريح وأهالي القرية يطالبون بحقوقهم. جريده الراصد24

بقلم/نشأت البسيوني 

في وقت معين يوصل الإنسان لمرحلة أهم من كل اللي فات مرحلة يبطل فيها يجامل نفسه يبطل يضحك على روحه ويبطل يقول ماشي وهو مش ماشي ويبطل يقنع قلبه يصبر وهو أصلاً مكسور ويبطل يقول بكرة يتصلح وهو عارف إن بكرة شبه امبارح ويبطل يبني أمل على ناس مش شايفاه ويبطل يستنى تقدير من حد عمره ما قدره ومن هنا تبدأ الحكاية تتغير من جوه الأول قبل برا يبدأ 

يشوف الحقيقة اللي كان بيخاف يبص عليها يشوف إنه كان طيب زيادة عن اللزوم وصبور فوق طاقته ومعطاء لدرجة الاستنزاف وبيتعامل بقلبه حتى في وقت كان لازم يتعامل بعقله ويبدأ يشوف إن كل مرة تجاهل إحساسه كانت خيانة لنفسه وكل مرة برر أذى كانت خطوة لورا وكل مرة أخد حاجة من غير قيمته كان بيدرب روحه تتقبل الأقل ومع الوقت يبدأ يقول لنفسه الصراحة اللي كان 

بيهرب منها يبدأ يعترف إنه اتأذى واتكسر واتخذل واتعامل على إنه خيار مش قيمة واتساب في نص الطريق من غير كلمة وإنه تعب من ناس ما تعبتش عشانه دقيقة وإنه وجع نفسه عشان ما يوجعش غيره وإنه ظلم نفسه بدافع الطيبة لكن اللحظة اللي يبطل فيها يجامل نفسه هي اللحظة اللي حياته كلها تبدأ تتبدل فيها قوة من نوع جديد تتولد جواه قوة مش صوت عالي ولا عناد قوة قرار قوة 

وعي قوة احترام للنفس قوة تقول لأ من غير خوف وتقول خلاص من غير تردد وتقول كفاية من غير ما تحس إنها بتخسر حد

ومن بعدها يبدأ الإنسان ينسحب من العلاقات اللي بتمتص روحه يبدأ يبعد عن الأماكن اللي بتضيع قيمته يبدأ يكسر الروتين اللي خانقه يبدأ يدي وقته لنفسه مش للناس اللي بتهدره يبدأ يحط حدود واضحة ويفرض احترام ما كانش بيطلبه ويقفل أبواب كانت 

مفتوحة لأي حد يجرحه ويمشي ومع كل خطوة جديدة يحس إنه بيتنفس للمرة الأولى من سنين يحس إن الأيام أخف وإن صوته الداخلي أقوى وإن قلبه مش مرمي في إيد حد وإن راحته بقت رقم واحد مش آخر القائمة ويحس إنه أخيرا شايف نفسه صح شايفها بوضوح مش من خلال نظرة حد ولا حكم حد ولا مزاج حد

 يعرف الإنسان إن أجمل نقطة في حياته هي اللحظة اللي بطل فيها 

يجامل نفسه لأن بعدها اتغيرت قراراته واتبدلت علاقاته واتصفى قلبه واتعدلت خطواته وبقى عارف قيمته بجد وبقى فاهم إن اللي يحترمه هيفضل واللي ما يشوفوش عمره ما كان ليه مكان وإن حياته من اللحظة دي بقت بتاعته هو مش بتاعت أي حد تاني