نائب وزير الصحة يجري جولة تفقدية للمنشآت الصحية بالجيزة ويحيل مدير مستشفى العياط للتحقيق-جريدة الراصد٢٤

 

بقلم/نشأت البسيوني 

في لحظة مفيش حد بيحس بيها غير اللي عاشها تلاقي نفسك واقف قدام دنيا ما بترحمش ولا بتهون يوم ترفعك فوق السما ويوم تاني ترميك في حضن الوجع من غير ما تسأل عليك ولا حتى تديك فرصة تبلع غصتك وتاخد نفسك وكل ما تحاول تفهم هي الدنيا عايزة منك ايه تلاقي نفسك راجع لنفس السؤال اللي عمرك ما لقيت له اجابة هو ليه الوجع لما يدخل قلب بني ادم عمره ما يمشي 

بنفس السهولة وفي وسط زحمة البشر وصخب الكلام تلاقي قلبك بيسكت سكتة غريبة كأنه بيتعلم يسمع من جوه لأنه فقد الأمل يسمع كلمة من برا كل حد ماشي في طريقه شايل همومه وبيداري كسوره وانت ماشي بينهم شايل حاجات محدش يعرفها غير ربك حاجات اتدفنت جوا روحك واتخنقت جوا صدرك بس لسه واقف لسه ليك مكان ولسه ليك حلم ولسه ليك صبر ما حدش يقدر يقيسه

وفي وقت الأحلام اللي اتأجلت والضحكة اللي ما بتكملش والخطوات اللي بترجع لورا من غير ما تفهم ليه تلاقي جواك قوة غريبة قوة ما حدش يعرف مصدرها يمكن لأنها جت من شدة الوجع يمكن لأنها هدية من ربنا يمكن لأنها آخر خيط يمنعك تقع مهما الدنيا اتعمدت تكسر فيك وتفضل ماشي مهما اتقل الحمل ومهما خيبك اللي قربك ومهما وعدك اللي كنت فاكر انه ظهر ليك ومهما 

الدنيا لعبت معاك لعبتها القاسية تفضل ماشي لأن جوه كل بني ادم حتة نور ما بتنطفيش حتى لو اتغطت بالتراب حتى لو انطفت حواليها كل شمعة حتى لو هاجمها الليل من كل اتجاه يفضل النور مستني لحظة يرجع فيها ينور من جديد تلاقي نفسك واقف قدام الدنيا تاني بنفس القلب اللي اتوجع وبنفس الروح اللي اتخبطت وبنفس العين اللي شافت مرار كتير بس واقف اقوى واقف اصدق 

واقف من غير خوف كأنك بتقول للدنيا مهما دستي عليا عمري ما هكون اقل من حلمي ولا اضعف من وجعي ولا اضيع في زحمة المكسورين لأن اللي اتولد من النار عمره ما بيخاف من الدخان ولا بيتهز من ريح ده مش انتصار للدنيا ولا هزيمة ليك ده وعد ما بينك وما بين نفسك انك مهما وقعت هتقوم ومهما اتكسر صوتك هتصوت من جواك ومهما داسوا على خطواتك هتمشي بخطوة 

أثبت وأقوى لأنك اتعلمت في صمت القلب وسط صخب الأيام ان النجاة عمرها ما كانت صدفة النجاة اختيار والاختيار محتاج قلب ما بيستسلمش وروح ما بترجعش واصرار ما بينطفيش