مطاي تحتفي بأبناء المعلمين.. حفل تكريم يجسد الوفاء للمعلم وتكاتف مؤسسات المجتمع لدعم التعليم _الراصد 24

 

بقلم/نشأت البسيوني 

في ناس كتير في الدنيا بتفتكر إن الصمت ضعف وإن السكوت هروب لكن الحقيقة إن في قلوب بتسكت مش لأنها ضعيفة بتسكت علشان لو اتكلمت هتنهار ولو صرخت هتتكسر ولو قالت اللي جوه هتفضح وجعها اللي عاشت تداريه وتلمه وتحطه جواها زي حجر تقيل ماحدش شايفه غيرها القلوب دي اتعودت تمسح دمعها قبل ما ينزل اتعودت تقوم قبل ما تقع اتعودت تكمل قبل ما تتفكر اتعودت 

تقول حاضر حتى وهي موجوعة اتعودت تتعامل مع القسوة كأنها جزء من الحياة والقهر كأنه نصيب والتعب كأنه قدر مكتوب لازم يتعاش لحد آخره وفي قلب منهم كان بيعيش حياته وهو شايل فوقه أعباء الدنيا شايل خيبات ماحكاش عنها ولا مرة شايل ذكريات بتعض روحه كل ما يفتكرها شايل أسماء ناس سابوه من غير سبب وناس كسرته وهو ماسك فيهم وناس كان فاكرهم سند 

وتبينوا أول حد يهزمه كان بيمشي في الشارع والابتسامة مرسومه على وشه بس قلبه من جوه فاضي زي بيت اتطفى فيه النور فجأة وماتبقاش فيه ريحة ضحك ولا خطوة حد كان بيحبه كان بيحاول كل يوم يفهم ليه الناس بتاخد اللي محتاجينه منهم وتمشي ليه الوعود بتتنسى لما الحقائق تطلع ليه اللي كان بيقسم إنه مايفرقش يبعد أول ما يشوف طريق أريح والقلب ده مهما اتظلم كان بيقول 

مفيش حد هينقذني غيري مفيش حد هيشيل عني اللي شايله مفيش حد هيحضني من غير ما يسأل ومفيش حد هيحس بيا إلا لو أنا حسيت بنفسي الأول كان بيحاول يبني نفسه حتى من فتات الروح اللي فضلت فيه وفي ليلة من الليالي اللي ربنا بيختبر فيها صبر البني آدم وقف القلب ده قدام نفسه وقال كفايه كفايه مجاملات كفايه مساومات كفايه أدوار مش بتاعتي كفايه أتحمل 

عشان الناس تبقى راضية وأنا آخر واحد يفكر في نفسه كفايه أدي وأفضى وأبقى فضيت ومن اللحظة دي ابتدى يحس إن الوجع اللي جوه مش لعنه وإن التعب مش ضعف وإن الخسارة مش نهاية بالعكس دي كانت بداية بداية إنه يفوق بداية إنه يعرف قيمته بداية إنه يشوف إن اللي مشي ماكانش ليه مكان من البداية وإن اللي وجعه ما يستحقش حتى دقيقة من عمره وبدأ القلب يتعلم 

يتقفل لما يحس بالخطر ويتفتح بس للناس اللي بتسند مش اللي بتستنزف وبدأ يسمع صوته مش صوت اللي حواليه وبدأ يفهم إن البني آدم اللي عايش علشان يرضي الكل عمره ما هيعرف يرضي نفسه ومر وقت وهدأ وسكت لكن سكوته المرة دي ماكانش وجع كان وعي كان راحة كان قوة من نوع تاني قوة هادية ناضجة مش بتصرخ ولا بتتحدى بتعرف بس إمتى تمشي وإمتى توقف 

وإمتى ترفع راسها وإمتى تقول لنفسها أنا استاهل أحسن وفي الآخر اكتشف إن السكوت عمره ما كان ضعف السكوت كان حفاظ على روح كانت هتضيع لو اتكلمت وزعلت وقاتلت ووقعت السكوت كان طريقة قلبه يقول لنفسه كل اللي اتسلب منك ربنا هيعوضك عنه كل اللي اتاخد غصب هيرجع رضا كل اللي وجعك هيتدفن وهتقوم من فوقه أقوى من الأول مليون مرة وده كان يوم ميلاد 

جديد لقلب اتعلم إنه ما يسكتش عن حقه لكنه يسكت عن اللي ما يستاهلش كلمته واكتشف إنه مابيقعش هو بس بيقف يلتقط أنفاسه عشان يكمل بطريق أصح وأقوى وأصدق من اللي قبله