مطاي تحتفي بأبناء المعلمين.. حفل تكريم يجسد الوفاء للمعلم وتكاتف مؤسسات المجتمع لدعم التعليم _الراصد 24

بقلم/نشأت البسيوني 

يمشي العمر في حتت إحنا ما بنبصش عليها يمشي في التفاصيل الصغيرة اللي بنعدي عليها من غير ما نفهم قيمتها يمشي في لحظة بنضحك فيها ونتصور إنها عابرة وفي لحظة بنسكت فيها ونقول نكمل بعدين بس البعدين عمره ما جه يمشي العمر في كلمة اتقالت بسرعة وفي كلمة ما اتقالتش خالص وفي فرصة وقفتنا قدامها كتير لحد ما مشيت من غير ما تاخد بالنا العمر مش بيجري 

بالعقارب ولا بالأيام العمر بيتحرك لما إحنا نتغير من غير ما نلاحظ

وفي يوم تلاقي نفسك واقف قدام مراية مش فاكر آخر مرة بصيت فيها لنفسك صح تلاقي إنك كبرت في مشاعرك قبل شكلك وإنك فاهم حاجات مكنتش تتخيل إنك تفهمها وإن الناس اللي كنت شايفهم كل حياتك بقوا مجرد فصل صغير في قصة طويلة وإن اللي كنت شايفه مؤلم زمان بقى دلوقتي أكتر حاجة علمتك تبقى 

قوي العمر يعلمك إن مش كل بداية كانت صح ومش كل نهاية كانت غلط وإن في طرق بتاخدك لمكان عمرك ما حلمت توصل له حتى لو بدأت بخطوة تقيلة ومربكة يمشي العمر لما نكتشف إننا اتغيرنا في طريقة استقبالنا للوجع بقينا نسمعه من غير ما نصرخ وبقينا نفهمه من غير ما نحقد عليه وبقينا نعديه من غير ما ننهار زي الأول يمشي العمر لما نعرف إن اللي كان بيعطلنا كان خوفنا مش الظروف 

وإن اللي كان بيأذينا كان تعلقنا مش الناس وإن اللي كان بيضيعنا إننا بندي وقت وطاقة للي ما يستحقش ولا بيشوف وفي لحظة صدق مع النفس تدرك إن العمر مش بس اللي فات ولا اللي جاي العمر هو اللي لسه جوه قلبك اللي ما استسلمش واللي لسه بيحاول واللي لسه مؤمن إن بكرة ممكن يكون أحسن حتى لو اتكسر ألف مرة العمر الحقيقي مش رقم العمر الحقيقي إحساسك بإنك عايش 

مش مجرد موجود ولما يتحرك العمر جوانا نبدأ نشوف الدنيا بحجمها الحقيقي لا أكبر من اللازم ولا أصغر من قيمتها نبدأ نفهم إن اللي يبقى معانا مش اللي كان قريب من جسمنا لكن اللي كان قريب من روحنا نفهم إن الراحة مش في الناس اللي بتضحكنا الراحة في الناس اللي وجودها يطمننا حتى لو ما قالتش ولا كلمة العمر مش سباق والعمر مش حد بيفوتنا العمر رحلة بنفهمها في 

نصها مش في بدايتها ومفيش حد بيكتشف معنى يومه إلا لما يقف ويراجع كل اللي عدّى ويعرف إن اللي جاي مش لازم يشبه اللي فات وإن صفحة جديدة ممكن تتفتح من كلمة واحدة ومن قرار واحد ومن أمل بسيط يطلع فجأة من قلب كان مُتعب بس لسه واقف على رجليه