محافظ أسيوط: تكثيف الحملات على أسواق أبنوب ورفع الإشغالات والتصدي للمخالفات وضبط الأسعار-جريدة الراصد٢٤

 

بقلم/نشأت البسيوني 

في لحظات معينه من العمر القدر بيشدك من كتافك ويسيبك واقف قدام نفسك من غير اي ملامح واضحه كأنك واقف قدام مرايه ما بتعكسش شكلك لكن بتعكس جواك بتعكس الخوف اللي ما قلتوش والوجع اللي خبيته والايام اللي عدت عليك وسابت فيك علامات ما حدش شافها غيرك ساعتها بتحس انك ماشي في طريق طويل اوي طريق محدش فيه فاكر يوقف جنبك ولا يسألك رايح على فين ولا 

جاي منين وكل اللي حواليك بيمروا كأنك حجر صغير على جنب الطريق لكن انت جواك عالم تاني مليان اصوات وافكار وصراعات ما بتنتهيش وفي النص بتقف انسانه كانت فاكره انها ضعيفه ولما دارت الايام لقتها اقوى من اللي كانت متخيلاه اقوى بكتير من الضربات اللي كانت كفايه توقع جبال واقوى من الصمت اللي اكل نص روحها واقوى من الخيبه اللي قصرت قلبها يوم ما وثقت في 

ناس ما كانوش قد الامانه انسانه كانت بتمشي شايله نفسها بالعافيه وبتحاول تحافظ على ملامحها عشان محدش يشوف الشروخ اللي بتوسع جواها يوم بعد يوم لكنها كانت بتقع في آخر الليل وتقوم في اول الصبح وتكمل كأنها ما وقعتش وكانت بتتحدى الوجع بكل الطرق بتتحدى الزمن اللي ما رحمهاش والايام اللي ما هدتش والناس اللي بدل ما تسند كانت بتهد وكانت لما تحط راسها على 

وسادتها تحس ان العالم كله واقف فوق صدرها بس كانت تتنفس وتقول لنفسها ربك كبير وربنا شايف وربنا عادل وبرغم ان الطريق كان مليان غبار وتعب واحزان ملهاش آخر الا انها كانت بتتعلم ازاي تحول الخساره لحكمه والوجع لقوه والانكسار لصلابه كانت بتتعلم ازاي توقف على رجليها من غير ما تستنى حد يشيلها ازاي تتعامل مع الدنيا اللي اختبرتها اكتر من اللازم ازاي تبوس جروحها وتكمل 

وكان كل اختبار بيمر عليها بيحفر فيها علامه جديده بس ما كانش بيكسرها بالعكس كان بيصنع منها نسخه ما حدش يقدر يهزها نسخه ما بتخافش من بكرا ولا من الناس ولا من ان الطريق يطول كانت بتبص في مراية القدر وتقول لنفسها يمكن اتألمت يمكن اتقهرت يمكن اتظلمت لكني ما انهزمتش ويمكن حدفوني بعيد عن كل اللي بحبه بس ما فقدتش نفسي ويمكن اللي حوالي اتغيروا بس 

انا ما انجرفتش معاهم وبرغم كل اللي اتاخد منها لسه عندها قلب صامد وعقل صاحي وروح تعرف يعني ايه تبني نفسها لوحدها وتوقف بعد كل سقطة وتقول انا بنت البدايات الجديده لا بخاف من امبارح ولا بتهز من بكرا ما دمت واقفه على رجلي ومسدده بصري لقدام