مطاي تحتفي بأبناء المعلمين.. حفل تكريم يجسد الوفاء للمعلم وتكاتف مؤسسات المجتمع لدعم التعليم _الراصد 24

  

بقلم/نشأت البسيوني 

حين يقف العمر على حافة جديدة بتحس إنك واقف قدام مراية كبيرة بتكشف لك اللي جواك قبل اللي حواليك وبتفهم إنك ماعدتش نفس اللي بدأ ولا نفس اللي كان بيخاف يوجع حد ولا اللي كان بيلجأ للحلم علشان يهرب من حقيقة ناس ماكنتش على قد المساحة اللي اديتها لهم ومع كل خطوة بتفتكر إنك كنت بتدي كتير وتتقدر قليل وتتمسك بناس مكانتش شايفه قيمتك وتمشي 

وراك ناس ماكانتشي عايزه إلا وجودك بس لما تحتاجهم تختفوا ومع مرور الوقت تفهم إن الوجع مش نهاية الوجع بداية فهم وإن السقوط مش انهيار ده ترتيب جديد وإن الرحيل مش انسحاب ده إنقاذ لروحك من علاقة كانت بتموت كل يوم وإن أكتر لحظة وجعتك كانت الباب اللي دخل منه وعي جديد واعي يخليك تحب بحدود وتدي بعقل وتتقرب بميزان وتسامح بقدر وتدي لنفسك 

مكانة أعلى من اللي كانت بتاخده منك التجارب القديمة اللي استهلكت طاقتك وروحك ولما الوعي يزيد تلاقي نفسك بتكتشف إن الطيبة اللي كانوا شايفينها سذاجة هي نقاء وإن الصمت اللي افتكروه ضعف كان حكمة وإن الانسحاب اللي فسرّوه هروب كان أعلى درجات القوة وإن البعد اللي زعل ناس كان خلاص لازم يحصل علشان تقدر تكمل من غير تزييف ومن غير تمثيل ومن غير 

علاقات شكلها دفء وجواها برد ومع الوقت تبص حواليك وتفهم إن العلاقات مش بكترتها العلاقات بجودة اللي جواها وإن الناس اللي بتمشي بصمت ربنا بيبعدها رحمة وإن اللي يبيع بسهولة عمره ما كان شاري وإن اللي يقلل منك هو أصلاً مش شايف غير نفسه وإن اللي وجوده تقيل كان عبء مش سند وإن اللي مشي من غير كلمة ربنا شاله من طريقك قبل ما يكسرك أكتر وبتدخل مرحلة 

أعمق تكتشف فيها إن أجمل راحة هي راحة النفس مع نفسها لما تبطل تدور على إجابات ولما تبطل تسأل ليه اللي اتغير اتغير وليه اللي اختفى اختفى ولما تسلم إن اللي مش ليك هيمشي مهما عملت واللي ليك هيكمل مهما اتأخر وإنك لما تبطل مطاردة الماضي يرتاح قلبك ولما تسيب اللي راح ما تفكرش فيه يتهدى بالك ولما تفتح باب جديد لقلبك يستقبل اللي يستحقك مش اللي يستغل وجودك 

ولا اللي يقيس محبتك بميزان المصلحة ومع كل نضج يتأكد لك إن الناس مش درجات الناس اختبارات وإن قلبك مش ساحة مفتوحة لكل اللي يعدي وإن روحك مش مباحة لكل من يمر وإن مش كل كلمة حلوة وراها صدق ومش كل وعد لونه جميل وراه نية سليمة ومش كل اهتمام يعتبر حب ولا كل قرب يعتبر وجود حقيقي ومع كل خطوة جديدة تلاقي إنك بتختار صح وبتبعد صح وبتسكت 

صح وبتسلم نفسك لأيامك بدون خوف وبدون تردد وبدون حنين لناس ماكانوش ليك من البداية ولما تبص على طريقك دلوقتي تعرف إن اللي يليق بيك هيفضل مهما حصل وإن اللي مش مكانه عندك هيمشي مهما حاولت تمسكه وإن اللي يقدر وجودك مش محتاج تلميح ولا طلب وإن اللي يحب مش بيأذي ولا بيقلل وإن اللي شافك على حقيقتك عمره ما هيبدل وإن اللي قابل روحك بنية 

صافية هيكون هو اللي نورك يكبر معاه وفي آخر المشهد تلاقي قلبك رجع من رحلته الأخيرة متغير رجع أقوى من الأول وأهدى من زمان وأوعى من كل اللي فات رجع فاهم نفسه وحافظ حدوده وعارف قيمته وقادر يختار من غير اندفاع وقادر يكمل من غير خوف وقادر يحب من غير ما ينسى نفسه وأخيرا تلاقيه واقف على حافة جديدة بيبص لقدام بس مش لورا ولا حوالينك ولا تحت رجليك قدام وبس وهنا تبدأ الحياة اللي تستاهلك أنت وبس