مطاي تحتفي بأبناء المعلمين.. حفل تكريم يجسد الوفاء للمعلم وتكاتف مؤسسات المجتمع لدعم التعليم _الراصد 24

 

بقلم/نشأت البسيوني 

حين تعترف الطرق بأننا لم نعد كما كنا في لحظة معينة وانت ماشي في طريقك العادي اللي بتعدي عليه كل يوم تلاقي الأرض بتهمس ليك إنك اتغيرت من غير ما تاخد بالك تلاقي الأرصفة بتحكيلك عن ناس فاتوا من نفس المكان وفضل منهم أثر محدش شافه غيرك وتلاقي نفسك واقف قدام نفس الإشارة اللي دايما بتوقفك تفكر في كل قرار أخدته وكل باب قفلته وكل فرصة سبتها 

تعدي من غير ما تمد إيدك ليها واللحظة دي رغم بساطتها بترجعك لورا سنين قدام صورة كاملة للحاجات اللي شكلتك من غير ما تسألها ومن غير ما تعترض عليها لأنك كنت فاكر إنك أقوى من الزمن ولقيت الزمن بيديك درس على مزاجه مش على مزاجك والغريب إننا عايشين في دنيا بتتغير أسرع من قدرتنا على الفهم بتتغير لدرجة إنك ساعات تحس إنك مش لاقي نفسك وسط 

الزحمة مش لاقي صوتك وسط الضوضاء مش لاقي قلبك وسط الناس اللي بتعدي كأنك مش موجود ويمكن السر مش في التغيير نفسه لكن في قدرتك إنك تفضل واقف رغم كل ده لأن كل مرة بتتكسر فيها حاجة جواك ربنا بيبني ناحية تانية أقوى وأصبر وأهدى وده اللي بيخليك تكمل من غير ما تبص وراك وتعرف إن اللي راح مكانش ليك واللي جاي جاي عشانك حتى لو جاي متأخر 

حتى لو جاي على مهل والناس اللي بتقابلهم في النص بيبقوا علامة مش صدفة علامة بتفتح عينك على حاجات كنت فاكر إنها عادية وتلاقيها في الحقيقة أعمق بكتير من كلام بيتقال وأعمق من سلام بيتكرر كل يوم وتفهم إن كل شخص عدى عليك كان ليه رسالة معينة رسالة علمتك درس محدش كان يعرفه غيره ويمشي ويسيبك تواجه نفسك باللي عرفته وتكمل باقي الطريق بوعي 

جديد وثقل جديد ومسؤولية جديدة إنك تحافظ على الجزء اللي اتغير وما ترجعلوش لنفسك القديمة مهما اشتاق قلبك لراحة وهمية كنت فاكرها أمان ولما الليل ينزل وتلاقي الشوارع بقت هادية والحياة دخلت مرحلة الصمت اللي بيكشف الحقيقة تلاقي السؤال اللي كنت بتتهرب منه بيقف قصادك من جديد هل انت اللي اتغيرت ولا الدنيا هي اللي اتبدلت ولا يمكن الاتنين حصلوا في نفس اللحظة 

من غير ما تحس والحقيقة إن مفيش حد بيفضل زي ما هو لا انت ولا اللي حواليك ولا حتى الطرق اللي بتمشي فيها كل يوم لأن الزمن مش بيدي فرصة لحد يقف مكانه والزمن لما بياخد منك حاجة أكيد بيسيبلك حاجة أهم حتى لو اتأخرت في إنك تشوفها وتفهم قيمتها وفي نهاية كل يوم بتوصل لحقيقة بسيطة إنك مش لازم تفهم الدنيا كلها ولا تحل كل ألغازها يكفي إنك تقف قدام نفسك 

وتقول إنك مكمل ومهما كانت الطريق طويلة ومهما كانت تقيلة ومهما كانت مليانة حكايات متشالة فأنت لسه قادر تمشي ولسه قادر تبني ولما يجيلك يوم وتبص وراك هتعرف إن اللحظات اللي كنت فاكرها نهايات كانت بدايات وإن الطرق اللي خفت منها كانت الأصدق وإن التغيير اللي اعتقدته وجع كان في الحقيقة رحمة اتبعت لك في توقيت انت محتاجه من غير ما تطلبه